Esther Domínguez Zurita, naixita de Zaragoza (Comarca Central, Aragón) o 23 d'abril de 1981, ye una esportista hue retirata que practicaba la chimnasia ritmica.
Fue campiona d'Espanya individual de chimnasia ritmica tres vegatas en os anyos 1998, 1999 y 2000, ganó la Copa d'Espanya en 1995 y 1997 y estió parti d'a selección espanyola de chimnasia ritmica en os Chuegos Olimpicos de Atlanta 1996 como reserva y partecipando en os Chuegos Olimpicos de Sydney 2000. Un anyo dimpués aconsiguió a suya sola medalla internacional con a selección espanyola de chimnasia, una medalla de bronce en o Campionato d'Europa de Chimnasia por Equipos celebrato en Riesa en l'anyo 2001, fendo equipo con Almudena Cid, Álex Barrenechea, Víctor Cano, Sara Moro y Laura Martínez.
Prencipió a practicar chimnasia en o Club Escuela Chimnasia Ritmica de Zaragoza y a os 14 anyos se fué a Madrit ta entrenar con a selección nacional.
Estió premiata con o Premio a la Millor esportista aragonesa femenina en o anyo 2000.
Vinclos externos
Dentrada d'Esther Domínguez en a Gran Enciclopedia Aragonesa.
Categoría:Chimnastas d'Aragón Categoría:Chimnastas d'Aragón en os Chuegos Olimpicos de 2000 Categoría:Esportistas de Zaragoza Categoría:Naixius de Zaragoza Categoría:Premio a la Millor esportista aragonesa femenina Categoría:1981 (naixencias)