Lo chenero gramatical en francés puede estar masculín u femenino. Las palabras que presentan diferents formas dependendo de lo chenero son sobre tot substantivos, adchectivos, articlos, pronombres y participios.
Chenero gramatical en os substantivos Chenero masculín Gosan tener chenero masculín las palabras que se refieren a animals masclos, a hombres, a árbols y arbustos, a días, meses y estacions de l'anyo, a glotonimos, nombres de ciudaz, ríos y países no acabaus en -e muda, y substantivos acabaus en consonant, siempre tenendo en cuenta que bi ha muitas excepcions. Gramática francesa. Larousse Editorial, S.A, 2014., pp 21-28.
Animals masclos: leon, tigre,... Árbols: hêtre ("fayo "), olivier ("olivera"),... Ríos no acabaus en -e muda: L'Orb, Le Rhin,... Nombres de países terminaus en consonant u en las vocals i, o y a: le Canada, le Congo, le Mali, con la sola excepción de la Haute Volta. Christiane Descotes-Guenon, Marie-Hélène Morsel, Claude Richou: L'éxercisier. Presses universitaires de Grenoble, 2005. pp 82-83.
Chenero femenino Gosan tener chenero femenino las palabras que se refieren a animals fembra, a mullers, a ríos y países acabaus en -e muda, festividaz y palabras acabadas en -e muda seguindo la una doble consonant. Animals fembra: lionne, tigresse,.... Nombres de países acabaus en -e: l'Espagne, l'Italie, la France, la Castille, la Bretagne, la Lombardie, etcetera, con la excepción de le Mexique, le Zaire, le Cambodge y le Zimbabwe. Ríos acabaus en -e muda: la Seine, la Garonne. Nombres de ciudaz, sobre tot si terminan en -e muda: Saragosse, Nice, Marseille, etcetera.
Irregularidaz Bi ha palabras como aide u domestique que tienen la mesma forma en masculín u femenino y la diferencia la estableixe l'articlo definiu. Tamién bi ha palabras que tienen una forma unica pa los dos sexos (un auteur, une recrue). Bi ha palabras con significaus diferents en masculín y femenino (faux, mode), y palabras con chenero diferent dependendo de la posición u lo numero gramatical (amour, orgue).
Bi ha masculins-femeninos irregulars (grec-grecque), y mesmo bi ha uns casos que lo masculín y lo femenino tienen oríchens etimolochicos diferents (belier-brebis, "mardano"-"ovella"), lo que ye común en zoonimos referents a animals grans u domesticos. Ortografía francesa. Larousse Editorial, S.A, 1999., p 59.
Referencias
Bibliografía Ortografía francesa: Larousse Editorial, S.A, 1999. Gramática francesa. Larousse Editorial, S.A, 2014. Jesús Cantera y Eugenio de Vicente: Gramática francesa. Editorial Cátedra, S.A., 1999. p 157. Christiane Descotes-Guenon, Marie-Hélène Morsel, Claude Richou: L'éxercisier. Presses universitaires de Grenoble, 2005. Patrick Guédon, Sylvie Poisson-Quinton: La grammaire du français. Editions Maison des Langues, 2016. Jacky Girardet, Jean-Marie Cridlig: Panorama Plus 1 Méthode de français. Santillana-Clé International, 1996. Jacqueline Picoche y Jean-Claude Rolland: Dictionnaire étymologique du français. Dictionnaires Le Robert, 2009. ISBN 2849024244, 9782849024249. Ludivine Glaud, Yves Loiseau, Elise Merlet: Grammaire essentielle du françáis. B1. Les Éditions Didier, 2015. Maïa Grégoire, Odile Thiévenaz: Grammaire progressive du français. Clé International, 2002.
Categoría:Morfolochía d'o francés Francés