Orós Alto ye un chicot lugar d'a provincia de Uesca situato en a Tierra de Biescas. Catálogo de pueblos y municipios de Aragón. Estadística de población y nomenclaturas toponímicas entre 1900 y 2004 (PDF), Gubierno d'Aragón, 2005, , p.358 Se troba a 1 km. d'o vecín Orós Baixo, en a marguin ezquierda d'o río Galligo y amán d'o barranco de Sía.
Perteneixió a Olibán en chunto con Casbas y Orós Baixo entre 1860-1873, d'antis mas formaba dende l'anyo 1834 un municipio independient con Orós Alto e dende 1845 tamién con Casbas.
En o sieglo XV yera Orós de Suso y teneba 5 fuegos. A primer vegata que se documenta o lugar ye en a "Colección Diplomatica de Uesca", en 1149, a on diz "Acenar, abbate de Oros et Espier".
O chentilicio d'Orós Alto ye orosino, pero les dicen en a redolada "colers". As casas d'o lugar son Antón, Canyardo, Jacinto, Puértolas, Piquero, Tejedor, Catalán y Navarro.
Luengas y parlas Francho Nagore publicó un estudio sobre l'aragonés charrato por una familia orosina que da a conoixer bel rasgo d'a parla d'iste lugar, Francho Nagore Laín L'aragonés charrato por una familia d'Orós Alto (Tierra de Biescas) en 1977: bellas anotazions. Homenaje a "Amigos de Serrablo", 1989, , pags. 331-366 bien que ta quitar-ne conclusions s'ha de fer cuenta que a duenya d'a familia yera venida de Pandicosa.
Molimentos Ilesia de Sant Istevan d'Orós Alto, una ilesia con una sola nau adedicada a Sant Istevan que se construyió en o sieglo XVI y dimpués se reformó en o sieglo XIX. Ye la ilesia parroquial d'o lugar, encara que en la web d'a Diocesi de Chaca adxedicada a l'Arcipestrau de Biescas d'o que en fa parte en dicen que ye consagrada a Nuestra Sinyora. Parroquias del Arciprestazgo de Biescas en o sitio web d'a Diocesi de Chaca.
No destacan guaire a resta de construccions ya que cuasi totas se destruyioron en a Guerra Civil.
Bibliografía Zapater, Alfonso: Aragón pueblo a pueblo, 4. Mainer Til Editores, S.L.'' .
Referencias
Categoría:Lugars de Biescas Categoría:Lugars d'a provincia de Uesca Categoría:Localidaz d'a diocesi de Chaca en l'Alto Galligo