Parque Olimpico de Sydney (en anglés Sydney Olympic Park) ye un parque de 640 hectarias de superficie situau en o barrio de Homebush Bay en a ciudat de Sydney (Australia) y que conta con un buen numero d'instalacions esportivas.
Fue construyiu ta a realización d'os Chuegos Olimpicos de verano de 2000, feitos en Sydney, y dende alavez aculle a mayoría d'esdevenimientos esportivos y culturals d'a ciudat. Amás d'acullir as competicions d'atletismo y natación mientres os Chuegos Olimpicos, aintro d'o suyo recinto se trobaba a villa olimpica a on s'aloixaban os diferents comités nacionals que participoron en os Chuegos.
En a suya aria perimetral se puet trobar l'ANZ Stadium, que aculle a mayoría de competicions nacionals y internacionals de rugby a 13 u fútbol australiano disputadas e Australia; o Centro Acuatico Internacional de Sydney que aculle prebas de natación; o Sydney SuperDome y The Dome, que acullen competicions de basketbol, chimnasia, balonmán y voleibol, u o NSW Tennis Centre, que aculle competicions de tenis.
A chestión d'o complexo esportivo fue realizada dica 1995 por a Homebush Bay Development Corporation, y dende a nominación olimpica d'a ciutat por l'Autoridat coordinadera d'os Chuegos, pasando en l'anyo 2001 a chestión a mans d'a Sydney Olympic Park Authority.
Vinclos externos
Pachina oficial
Olimpico Categoría:Instalacions esportivas d'os Chuegos Olimpicos de Sydney 2000