Iste articlo ye sobre Cleopatra VII a zaguera reina d'Echipto d'a dinastía d'os Ptolomeus; ta atros usos, se veiga Cleopatra (desambigación).
Cleopatra VII estió reina d'Echipto dende l'anyo 51 aC dica l'anyo 30 aC. Estió a zaguera reina d'a dinastía d'os Ptolomeus y d'o periodo helenistico, dimpués d'a suya muerte Echipto se convertió en en provincia de l'Imperio romano, lo que marcó lo final d'o periodo helenistico que s'heba encetau con o reinau d'Aleixandre lo Gran (336-323 a. de C.).
A suya luenga materna yera a koiné griega, encara que estió a primera soberana ptolemaica en aprender l'idioma echipcio.
Mencions en fuents aragonesas y navarras En fan mención en o "Liber Regum":
Ye nombrada tamién en as traduccions aragonesas de "Breviarium ab Urbe condita" y de "Vidas Semblants":
Cleopatra en a cultura popular Cleopatra ha estau un personache que no ha deixau indiferent a las diferents culturas que pasoron per Echipto. Os romanos contemporaneos teneban una imachen negativa d'ella que yera a que a propaganda de l'Imperio Romano difundiba, encara que Virchilio instituyió a ideya de Cleopatra como una figura d'o romance y d'o melodrama epico. En a suya epoca estió representada en monedas, pinturas, vasillas, bustos y estactuas de l'arte grecorromano.
Posteriorment en a Edat meya y a Edat moderna se convirtió en un icono d'a cultura popular inspirando obras literarias, teatrals y sobre tot cintas de cine, que contribuyioron de forma significativa a modelar a imachen que tenemos en l'actualidat d'ella.
En a literatura En literatura hay que destacar las obras mas famosas como son Antony and Cleopatra escrita en 1606 por William Shakespeare, All for love escrita en 1678 por l'autor teatral anglés John Dryden y Caesar and Cleopatra publicada en 1901 y escrita por George Bernard Shaw.
En o cine Cuasi dende a invención d'o cine se facioron cintas sobre ella, ya que yera una tematica muito de moda en ixa espoca tanto que mesmo inspiraba productos d'o fogar. A primera cinta documentada ye Cléopâtre, de Georges Méliès de l'anyo 1899 una cinta de cine mudo de terror, dimpués tamién cal destacar Cleopatra de 1917, de J. Gordon Edwards, con Theda Bara, Fritz Leiber, Sr., Thurston Hall y Alan Roscoe y a cinta Cleopatra de Cecil B. DeMille y interpretada por Claudette Colbert pero sobre tot cal destacar a polemica superproducción de l'anyo 1963 Cleopatra interpretada por Elizabeth Taylor y Richard Burton que cuasi leva a la fallita a La Fox.
Vinclos externos
Categoría:Dinastía d'os Ptolomeus Categoría:Faraons Categoría:30 aC (muertes)