250px|thumb|right|Pellizos de Martes zibellina, obchecto d'un comercio medieval que plegaba dica Francia y Aragón. En francés antigo recibiba la denominación de sable, d'orichen eslau. Los eslavismos en francés son palabras orichinadas en las luengas eslavas presents en esta luenga romance occidental. Los eslavismos presents en francés son escasos por no haber-ie una continuidat territorial entre los países eslaus y los países francofonos.
L'alemán ha estau un vechiclo de transmisión d'uns pocos eslavismos ya en la baixa Edat Meya (sable, souquenie). Tamién en la baixa Edat Meya se fue introducindo la denominación de esclave desplazando semanticament a serf a partir de lo etnonimo slověninŭ habitants de los Balcans u d'Europa centro-oriental que cayeban en mans de traficants Venecia.
Dende la baixa Edat Meya dica primers de lo sieglo XX l'Imperio Otomán ocupaba importants territorios en los Balcans, habendo puesto plegar en lo suyo apocheu a ocupar territorios de la plana Panonica y dillá de lo Danubio. Las luengas eslavas prenioron palabras de lo turco otomán en ixe periodo y en transmitioron belunas a l'hongaro y a l'alemán, dende a on que han pasau a lo francés. Los eslavismos d'orichen checo (bohemismos), gosan plegar a traviés de l'alemán.
En los zaguers sieglos l'alemán ha continau transmitindo eslavismos a lo francés pero han estau las relacions comercials y politicas internacionals las que han iu transmitindo nuevos eslavismos dreitament dende lo polaco u lo ruso. En bel caso los eslavismos de lo francés son denominacions d'institucions u obchectos propios de las países eslaus y en realidat son termins especializaus (tsar, rouble), que no fan part de lo lexico francés común.
Incluyindo los tecnicismos mes restreitos a los ambients academicos, lo "Traité de la formation de la langue française" considera d'orichen eslau u transmesas por idiomas eslaus estas palabras: Adolphe Hatzfeld et al.: Dictionnaire général (1890-1900). Traité de la formation de la langue française. Paris, Delagrave, 1890. Archine Ban Boyard Briska Calèche Corsac Cosaque Cran Cravache Diogot Droschki Esclave Guzla Houra Knout Mammouth Mazurka Obus Polka Prame Rédowa Sable Schabraque Shako Souquenille Steppe Tsar Ukase Vampire Vitchoura Zibeline.
Eslavismos directos Bistrot: bar. Steppe: estepa. Tsar: zar.
Eslavismos transmesos por l'alemán Calèche. Cravache. Hamster. Heiduque. Rédowa. Schabraque u chabraque. Souquenille. Vampire: vampiro.
Eslavismos transmesos por lo latín medieval u las luengas italianas 250px|thumb|right|Una polaina medieval, zapato conoixiu en francés como chaussure à la poulaine. Esclave: esclavo, esclau. Zibelline: chibellín / chebellín. LÍBANO, Ángeles y SESMA, J. Ángel, Léxico comercial en Aragón (Siglo XV) Institución Fernando el Católico, 1982. Poulaine: polaina. Proviene de lo polaco Polánin, latinizau como polanus d'a on l'ampró lo francés antigo como poulain. En 1365 ya se documenta soulers a la poulaine. En la Edat Meya tardana s'importaba piel de Polonia pa fer uns zapatos en punta ditos poulaines, palabra que dimpués prenió lo significau de calza de cuero que plega dica los chinollos.
Hongarismos transmesos por las luengas eslavas Shako.
Turquismos transmesos por las luengas eslavas Heiduque. Schabraque u chabraque.
Referencias
Bibliografía Edward A.Roberts: Diccionario etimológico indoeuropeo de la lengua española. Alianza Editorial, 2001. LÍBANO, Ángeles y SESMA, J. Ángel: Léxico comercial en Aragón (Siglo XV). Institución Fernando el Católico, 1982. Adolphe Hatzfeld et al.: Dictionnaire général (1890-1900). Traité de la formation de la langue française. Paris, Delagrave, 1890. Jacqueline Picoche y Jean-Claude Rolland: Dictionnaire étymologique du français. Dictionnaires Le Robert, 2009. ISBN 2849024244, 9782849024249.
Categoría:Lexicolochía d'o francés