La sincope en aragonés s'ha produciu en la evolución dende lo latín vulgar enta esta luenga romance en palabras patrimonials y tamién la la creyación de semicultismos d'una manera paralela a como lo ha feito en la evolución d'atras luengas romances occidentals. La sincope en la evolución entre lo latín y l'aragonés ha feito que se pierdan vocals breus Ĭ, Ŭ latinas atonas situadas entre consonants.

Palabras patrimonials con sincope La sincope ha estau un fenomeno fonetico que ha acompanyau a la evolución de bella palabra latina con sufixo atono como -ICU u -ULO.

Sufixo -ulo En latín vulgar y tardano bi heba un uso abundant de diminutivos que a vegadas substituiban la forma orichinal, que cayeba en desuso. Lo diminutivo -ULU podeba tener u infixo -c-, y se podeba producir una sincope de la vocal -u- entre lo infico y la l. Asinas, la sincope ha teniu influencia en los derivaus patrimonials romances con -ll- por haber chenerau los grupos -C'L-, -G'L- y -T'L- en proto-romance: APICŬLA > *apicla > abella. BATACŬLUM > *bataclo > batallo. CUNICŬLUM: *coniclo > conillo. OVICŬLA: *ovicla > ovella.

En aragonés l'orichen d'uns cuantos grupos consonanticos tamién se debe a la sincope:

Grupo -ngl- ANGŬLUM > anglo, angle. CINGŬLUM > cinglo. UNGŬLA > ungla.

Grupo –ld Se da apocopa y metatesi: ESPATHŬLA > espalda. ROTŬLU > rolde.

La palabra remoldar tiene un grupo -ld- con un orichen pareixiu a partir de verbos de la familia de *MUTILARE.

Grupo –scl- ASTŬLA > ascla, ixascla. MASCŬLU > masclo. MUSCŬLU > musclo. rasclo. riscla.

Grupo -sl- INSULA > ISSULA > isla.

Sufixo -ido Bi ha palabras patrimonials que derivan de palabras latinas esdruixolas con sufixo atono latín -IDUS que han pasau por una sincope: LARĬDUM Jacqueline Picoche y Jean-Claude Rolland: Dictionnaire étymologique du français. Dictionnaires Le Robert, 2009. ISBN 2849024244, 9782849024249. p 303. > lardo. SOLĬDUM > sueldo.

La sincope en la creyación de toponimos aragoneses

En Aragón bi ha toponimos d'etimolochía latina que han seguiu las leis foneticas que corresponden a lo mozarabe de la val de l'Ebro u a la fonetica aragonesa.

Lo toponimo Grisén corresponde a la evolución mozarabe d'un toponimo latín y presentaba en tiempos de la reconquiesta una terminación en -ic como Lucernic homologa a la terminación -igo de Cintruenigo y Lituenigo]] y que amuestran apocope y sincope: GRISENĬCU > Grisenc > Grisén.

Lo toponimo Buyelgas corresponde a la evolución aragonesa de BOVILĬCA: BOVILĬCA > Buyelgas.

Lo toponimo Baselga proviene de lo latín BASĬLICA y amuestra la mesma lei fonetica: BASILĬCA > Baselga.

Lo toponimo torrella u torrilla, que s'ha formau en diferents zonas de lo navarro-aragonés y de lo mozarabe amuestra sincope en la suya formación: TURRICŬLA > *torricla > torrilla

Atros toponinos aragoneses que pueden haber evolucionau dende lo latín por fenomenos de sincope son: Erla < ERULA. Fanlo > FANŬLUM Ramón Menéndez Pidal: Orígenes del español: El estado lingüístico de la Península Ibérica hasta el siglo XI. Espasa-Calpe, Madrit 1980 9ª edición, p 223.. Mamblas < MAMULA. Riglos < *RIGULU < RIVULU. Torla < TORULA. Vierlas < VERULAS. Os Anglis < ANGULUS.

Palabras semicultas con sincope

La sincope en los semicultismos conduce a la formación de palabras planas a partir d'esdruixols latinos, formando-sen palabras con un acento tonico plan que corresponde a lo de la mes gran part de lo lexico de l'aragonés y unas atras luengas vecinas.

Latín Aragonés DIABOLU diablo María Luisa Arnal Purroy: El habla de la Baja Ribagorza Occidental. Institución Fernando el Católico, 1998, p 193. DOMINICU domingo MANIPULU maniplo PERICULU periglo PŬRPŬRA porpra / polpra Francisco Ynduráin: Documentos de la iglesia de Santa María de Sangüesa (siglos XIV y XV). Estudio lingüístico. Pirineos año IV - 1948 , un atra publicación en Archivo de Filología Aragonesa, nº 51 (1995), pp 359-386. REGULA regla SAECULU sieglo

Sufixos con sincope Lo sufixo indicador de superlativo en aragonés -ismo ha saliu por sincope de lo sufixo -ISSIMUS en aragonés, pero tamién en catalán y francés, a on que se presenta como -isme. SANCTISSIMA > santisma.

Lo sufixo -ezno deriva de lo latín -ICINU tamién amuestra sincope de I: ROTICINU > rodezno.

Lo sufixo -ancho deriva de la terminación -ANCULU y amuestra sincope de U. FURCANCULA > forcancha. CAMERANCULU > a escarramanchons.

Referencias

Bibliografía Academia de l'Aragonés Propuesta ortografica de l'Academia de l'Aragonés. EDACAR, 7. Zaragoza, 2010. David A. Pharies: Diccionario Etimológico de Los Sufijos Españoles: Y de Otros Elementos Finales Volumen 25 de Biblioteca románica hispánica. Gredos, Editorial, S.A., 2002. ISBN 8424923391, 9788424923396 SAROÏHANDY, Jean-Joseph, Misión lingüística en el Alto Aragón (compilazión de materials ineditos dende 1906); Xordica Editorial. Zaragoza, 2005. . BARCOS, Miguel Ánchel: El Aragonés Ansotano: estudio lingüístico de Ansó y Fago. Gara d'Edizions. Zaragoza, 2007. María Pilar Benítez: L'Ansotano. Estudio del habla del Valle de Ansó. Gobierno de Aragón, 2001. Chusé Lera Alsina: Aplego. Diccionario de Resistencia y Gramática sobre lo cheso. Massanas gràfiques. 2004. Chabier Lozano Sierra, Ángel Lois Saludas Bernad: Aspectos morfosintácticos del belsetán, 2005, Gara d'Edizions, pp 103–105. Lozano, Ch.: Aspectos Lingüisticos de Tella. Aragonés de Sobrarbe (Huesca). Gara d'Edizions - Prensas Universitarias de Zaragoza - Institución Fernando el Católico. 2010. Brian Mott: El Habla de Gistain. Instituto de Estudios Altoaragoneses, 1989. Fernando Blas Gabarda, Fernando Romanos Hernando: Diccionario aragonés: chistabín-castellano (Val de Chistau). Colección Ainas. Gara d'Edizions, 2008. Chabier Tomás Arias: El aragonés del Biello Sobrarbe. Instituto de Estudios Altoaragoneses, (1999). José Antonio Saura Rami: En torno a la sufijación apreciativa en el Valle de Benasque. Archivo de Filología Aragonesa, 52-53, 149-178. 1996-1997. José Antonio Saura Rami: Elementos de fonética y morfosintaxis benasquesas. Gara d'Edizions, Institución Fernando el Católico, 2003. Ángel Ballarín Cornel: Diccionario del Benasqués. Institución Fernando el Católico, Zaragoza, segunda edición 1978. Mascaray Sin, Bienvenido: Vocabulario del habla de Campo (Ribagorza, Huesca). Xordica Editorial, 2014. María Luisa Arnal Purroy: El habla de la Baja Ribagorza Occidental. Institución Fernando el Católico, 1998. Javier Terrado Pablo: La Lengua de Teruel a fines de la Edad Media''. Instituto de Estudios Turolenses, 1991.

Categoría:Fonetica de l'aragonés