O paso de Haast (en anglés Haast Pass, en maorí Tiori Pātea), ye un puerto de montanya situau en os Alpes d'o Sud en a Isla d'o Sud de Nueva Zalanda. Prene o suyo nombre de Julius von Haast, un explorador d'o sieglo XIX que treballó como cheologo provincial a o servicio d'o gubierno de Canterbury. Os maorís ya heban feito servir o paso en tiempos pre-europeus, encara que no de traza regular.
Ye un d'os tres pasos de carretera que trescruzan os Alpes d'o Sud - chunto a o paso de Lewis y o paso d'Arthur, encara que o túnel de Homer tamién pasa por debaixo d'ells.
O paso de Haast se debanta dica una altaria de 564 metros sobre o livel d'a mar y forma o collau entre as vals d'os ríos Haast y Makarora. Asinas, ye o mas baixo d'os pasos que trescruzan os Alpes d'o Sud. No bi ha asentamientos a o largo d'a carretera d'o paso de Haast entre as localidaz de Haast y Makarora. O paso ye situau chunto a la muga d'o Parque Nacional d'o Mont Aspiring y fa parti d'a muga entre as rechions Otago y West Coast.
Haast Categoría:Transporte en Nueva Zelanda