thumb|right|250px|Garimbasta. A garimbastaCon as variants galimbasta y marimbasta ye o fruito caracteristico d'a garimbastera u niespolera europea (Mespilus germanica); ixo ye, un tipo concreto de niespola, considerada borde y de menor calidat, que a diferencia d'as niespolas de cautivo (producidas por o nispolero de Chapón) se culle en agüerro y no pas en primavera.
Ye un fruito dulce, con a pela de color marrón verdisca mesmo cuan ye madura, por o que cal pretar-la con os didos antes de pillar-la pa asegurar-se que le ha gosau arribar la hora. Ye aspra por l'exterior, mas arronchada y chicorrona que as niespolas comuns, y con as restas d'o caliz floral mas evidents. Si se culle enantes de que sía bien madura, o gusto ye amargo y se torna muit amarga cuan se le ha pasau o tiempo, por lo que s'ha de minchar cuan ye en o suyo punto: con a pulpa marrón, tova, y d'aspecto una mica farinoso (como pasada, pero no en ye); alavez ye dulce.
Si se culle humeda u mullada, cosa mica rara contando que ye fruita de noviembre, y se quiere guardar bels días s'ha de secar con bel material absorvent, como por eixemplo papel de periodico; Caso contrario se putrirá a-escape. Tradicionalment yera tipico secar-las metendo-las en a palla.
Notas
Referencias
Se veiga tamién Niespola. Niespolera. Eriobotrya japonica. Mespilus germanica. Codonyo. Manzana. Pera. Figo.
Vinclos externos
Categoría:Fitonimia Categoría:Fruitas Categoría:Fruitos d'agüerro