L'aloda VIDALLER TRICAS, Rafel: Libro de As Matas y Os Animals; Dizionario aragonés d'espezies animals y bechetals, Edicions Val d'Onsera. Zaragoza, 2004. .Con as variants loda, aluda, alodia, alondra y alosa y a palatalizada alloda. u calandra serrana ( (L., 1758)) ye una especie d'au paseriforme d'a familia Alaudidae tipica d'espacios ubiertos, patros, campos agricolas y estepas, común en Europa y Asia. Tamién se conoixe como peira u terrereta.

Ye famosa por fer os niedos en tierra, entre a hierba, o que facilita la recolección d'es uevos pa consumo humano (actividat desaconsellable porque ye muit confrontada con a conservación d'a especie).

Descripción L'aloda ye un paixaro propiament dito (Passeriformes) de 17 cm de largo y entre 35 y 39 gramos de peso, Losange, Aves de España y Europa. Susaeta Ediciones. Madrid. de color y mida parellana anque menos robusto que a fembra d'o gurrión.

Tiene a color parda de tot, estando mas fusca por a parte d'alto y mas clara por debaixo, sin mallas ni tacas vistables que la faigan identificar, difuera d'as plumas laterals d'a coda, que son blancas, cosa que se gosa veyer sobre tot en o volido.

Como atras especies d'a familia Alaudidae, tiene una cresta de plumas que gosa poder-se estorrufar u abaixar como le agana.

Toz os adultos, tanto masclos como fembras, cantan, y no i ha guaire dimorfismo sexual externo en a especie. Manimenos, en a primavera os masclos interpretan un volido nupcial muit caracteristico, puyando y puyando mientres volan firme en espiral sobre o campo sin deixar de cantar contino bels minutos, Alondra común en Audubon, consultau o 25 de chulio de 2018. y dimpués a la inversa, baixando sin parar de cantar. Con isto se miran de gritar a una fembra pa escomenzar a temporada de reproducción.

Alimentación

L'aloda ye una au fundamentalment herbivora, que basa la suya dieta en grano y simients variadas, pero que tamién consume fuellas y lulos (como bayas menudas) ocasionals.

En primavera, mientres alimentan a la suya cobada, as alodas adultas incrementan l'aporte d'insectos de manera important. Os pollez s'alimentan cuasi nomás d'insectos y atros invertebraus.

Habitat thumb|right|200px|Canto d'una aloda común. As alodas viven en espacios ubiertos, como patros, feners y mesmo en estepas. A diferencia d'atros paixaros, y porque viven a on que i hai pocos árbols, se gosan posar muito en tierra, y emplegan cualsiquier penya, toza u cleta que tiengan amán como fitero pa posar-se, cosirar y guardar-se contra posibles depredadors.

Tamién fan o niedo en tierra, con branquetas y hierbas, y fican os uevos en numero de 3 dica 5. Son aus nidicolas, pero o feito de vivir en tierra las ha feito prestas a brincar en pocos días: os pollez maduran a-escape y a cobada entera albandona o niedo en cosa de 10 días, mesmo sin volar encara fino. Os chóvens rematan por volar bien a os 20 días de vida.

Migradera

Cualques poblacions son migraderas y atras son sedentarias. Aparte, en a Peninsula Iberica, como en buena cosa d'Europa y Asia templadas, os animals residents no se desplazan entre estacions. Manimenos, en o norte d'Eurasia y as estapas frías d'Europa de l'Este, as alodas s'agrupan en agüerro pa encetar a migración enta latituz mas calidas. Muitos d'ixes paixaros hibernan en a cuenca mediterrania (Iberia inclusive) y Orient Meyo, que tornarán a formar bandadas cuan plegue la primavera, por o que entre l'hibierno a población autoctona ye una suma d'as alodas residents y as estacionals que i son plegadas.

Imáchens

Notas

Referencias

Se veiga tamién Aloda. Santa Alodia. Cogullada. Cogullada común. Calandra.

Vinclos externos

Categoría:Aus d'Aragón Categoría:Fauna d'Asia Categoría:Fauna d'Europa Categoría:Fauna d'os Pireneus