Os turdidos (nombre cientifico Turdidae) son una familia d'aus en a orden Passeriformes, adintro d'a superfamilia Muscicapoidea de paixaros mayoritariament insectivoros.
Descripción
Son especies de paixaros forestals, que viven en un amplo abanico de selvas diferents, pero siempre dependients de puestos con arbolau. Mayoritariament insectivoras, tamién minchan fruitos y simients diversas.
Tienen midas medianas, d'entre 15 centimetros y no guaire mas de 30 de largaria. Son buenas voladeras, pero muitas especies s'alimentan por tierra, esbulligando y esgarrapando entre as barzas y os arbustos, y unas pocas s'estiman mas mirar-se l'alimento en uebras amanadas de l'arbolau.
A mayoría d'especies son residents, pero en i hai que fan migracions estacionals y atras an que bellas poblacions migran mientres que bellas atras son de tot residents.
O pico ye recto y as zarpas fuertes, Famille des turdidés, consultau lo 24 d'agosto de 2018. de didos rectos y prensils. Os uellos son redondos y grans. Tienen as alas arronchadas y a coda cuadrada u casi cuadrada, menos vegadas arrondiada.
I ha especies con dimorfismo sexual aparent y atras que no en tienen. As colors son muit variables, dende pardas y discretas dica especies de gran coloramenta, con plumas azuls y dica naranchas.
Referencias
Se veiga tamién
Torda. Merla. Charro.
Vinclos externos
Categoría:Familias d'aus Categoría:Muscicapoidea