O Cabezo de Burrén ye un pueyo de 433 metros d'altaria que chunto con l'amanada Burrena (423 m) son conoixius popularment como Los Pezones Juan Antonio Frago Gracia: Toponimia del Campo de Borja. Estudio lexicológico. Institución Fernando el Católico, p 55. u Las Dos Teticas. Se troba situau en o termin municipal de Frescano, amán d'a carretera entre ista localidat y Mallén. En a suya cima bi ha un vértiz cheodesico.
Baixo os pueyos se troban dos chacimientos arqueolochicos d'a Edat de Fierro perteneixients a la Cultura d'os campos d'urnas. Burrén. Parque Arqueológico de la Primera Edad del Hierro en Frescano Istos puestos han estau declaraus Bien d'Intrés Cultural en o rechistro de patrimonio d'o Ministerio de cultura espanyol.
Istos monts son antepueyos Francisco Pellicer: Formas de relieve del centro de la depresión del Ebro. Institución Fernando el Católico. 1989 pp 63-64. visibles en o paisache plan d'o norte d'a comarca de Campo de Borcha.
Toponimia L'oronimo Burrén ye interpretau por Juan Antonio Frago Gracia como d'orichen prerromano y relacionau con un lexema BUR- orichinador d'a radiz basca buru, que amás de significar "cabeza" puede significar "cima".
Encara que exista a denominación conchunta de Los Pezones, a primers d'o sieglo XVII se documenta Os cabeços de Burrén en a obra d'o portugués João Batista Labanha.
Bi ha mencions en aragonés medieval de Burrén por estar a pedrera papal de Burrén l'orichen d'as piedras que s'emplegaban pa fer una capiella en a Seu de Sant Salvador de Zaragoza y tamién l'orichen de cualques d'as piedras que facioron servir pa reconstruir o Puent de Piedra de Zaragoza en l'anyo 1405: María Teresa Iranzo Muñío: El puente de Piedra de Zaragoza en la baja edad media; la culminación de un proyecto ciudadano Artigrama, núm. 15, 2000.
Referencias
Vinclos externos En "Mendikat" Fuella d'o vértiz cheodesico.
Burren Burren Burren Burren Burren Burren Burren Categoría:Montanyas d'o Campo de Borcha