La sierra de Valdellosa ye una aliniación montanyosa de la branca aragonesa de lo Sistema Iberico a lo sud-este de la sierra de Santa Cruz y de la laguna de Gallocanta. Se situa en la provincia de Teruel y en la comarca de Xiloca. Son localidaz cercanas a la sierra Tornos, Calamocha, Pueyo y Fuents Claras.
La principal altaria de la sierra ye Valdellosa con 1.229 m, seguida de Modorra (1.209 m) y de lo pueyo de Sant Esteban (1.020 m).
Toponimia L'oronimo Valdellosa s'ha quiesto explicar a partir de val y de losa con palatalización. Agustín Ventura Conejero: Toponimia de la provincia de Teruel. Revista Teruel, nº 48, 1972, p 233. Manimenos en Robres del Castillo (Rioja) bi ha unatra Valdellosa que s'interpreta como VALLE CLAUSA. Fabián González Bachiller: Aspectos fonéticos de la toponimia riojana actual. Universidat de La Rioja, 1997, p 86.
Hidrolochía Part de las versants norte y ueste desauguan enta la laguna de Gallocanta fendo part de la suya cuenca endorreica. Manimenos, en cheneral las laderas nord-este y sud-ueste desauguan enta Xiloca a traviés de barrancos.
Cheología La sierra de Valdellosa ye lo cabo sud de los afloramientos paleozoicos de lo macizo d'Ateca, con representación tanto de materials mayoritarios cambricos y ordovicians inferiors d'este macizo ("Series Ibericas") como de la celebre formación de quarzarenitas ordovicianas dita "Quarcita armoricana". Instituto Geológico y Minero de España: Libro Jubilar J.M.Rios. Geología de España Tomo I. Instituto Geológico y Minero de España, 1983. pp 522-523.
A piet de la sierra de Valdellosa bi ha un glacis d'edat plioquaternaria. José Luis Peña Monné et al. : Geomorfología de la Provincia de Teruel. Instituto de Estudios Turolenses, 1984. p 95-96.
Referencias
Bibliografía Instituto Geológico y Minero de España: Libro Jubilar J.M.Rios. Geología de España Tomo I. Instituto Geológico y Minero de España, 1983. Instituto Geológico y Minero de España: Mapa Geológico de España E 1:50.000. Daroca. Fuella 465 (26-18). Servicio de publicaciones de Ministerio de Industria y Energía, 1983. Instituto Geológico y Minero de España: Mapa Geológico de España E 1:50.000. Calamocha. Fuella 491 (26-19). Servicio de publicaciones de Ministerio de Industria y Energía, 1983. José Luis Peña Monné et al. : Geomorfología de la Provincia de Teruel. Instituto de Estudios Turolenses, 1984. Eduardo Viñuales Cobos: Red Natural de Aragón. Jiloca nº 18. Prames, 2007.
*