Este articlo tracta sobre la sierra de la Rocha de las Defesas entre Cantaviella y Fortanet. Pa atros usos de lo toponimo «sierra de la Rocha» se veiga sierra de la Rocha (desambigación).
La sierra de la Rocha de las Defesas ye aliniación montanyosa de lo Sistema Iberico que fa part de la branca levantina y de la unidat morfoestructural dita "Serranías de Gúdar". Se situa entre la sierra de Palomita y la sierra de la Canyada paralela a esta zaguera y como prolongación de la Sierra de las Defesas, que ye a lo sud-este. La principal altaria ye lo cabezo de la Rocha (1.787 m), seguiu de lo cabezo de Cuarto Pelau y lo cabezo de la Tejeda. Lo puerto de Cuarto Pelau (1.657 m) traviesa esta sierra.
La superficie de la sierra de la Rocha de las Defesas perteneixe a los termins municipals de Fortanet, Cantaviella y Canyada de Benatanduz (Mayestrato). En lo termin municipal de Cantaviella la sierra de la Rocha de las Defesas corresponde a part de la partida masovera de La Umbría. Diego Mallén Alcón, Laura Borroy Rengel: Estudio de interpretación y divulgación científica de los paisajes naturales de Cantavieja. Revista Teruel, nº 88-89. 2000-2002 p 337.
Hidrolochía La vertient sud-ueste desaugua enta lo río Fortanet a traviés de lo barranco de la Defesa (que define la val de las Defesas), y l'arroyo de la Tejeda.
La vertient nord-este desaugua enta los ríos Canyada y de Cantaviella. Lo río Canyada naixe entre la sierra de la Rocha y sierra Palomita. José Luis Peña Monné, Luis Alberto Longares Aladrén, Marta Espinalt Brillas: Paisajes naturales de la provincia de Teruel. Guía del medio natural. Instituto de Estudios Turolenses, 2000. . pp 89-90, pp 99-100.
Toponimia En l'actualidat gosa apareixer en los mapas simplament como sierra de las Rochas. Se documenta una mención a una Rocha de las Defesas y Val de las Defesas en un texto de 1414 sobre lo mollonamiento de boalaches y defesas entre los termins de Fortanet y Exorcas:
L'oronimo rocha de las Defesas corresponde en lo termin municipal de Fortanet a la vertient sud-ueste de la sierra, baixo lo cabezo de la Rocha y los suyos cerros, distinguindo-se de la rocha de Pinarhueco situada a lo nord-ueste en lo sarrau que bi ha entre Villar Luengo y Canyada de Benatanduz.
La palabra rocha ye un mozarabismo que se documenta por toda la Peninsula Iberica pero especialment en Cuenca, provincia de Teruel y comarcas churras. María Dolores Gordón Peral: El mozárabe Rocha y sus derivados en la toponimia y las hablas vivas de la Península Ibérica. Publicau en Congrés Internacional de Toponímia i Onomàstica Catalanes (2001) pp. 511-519. S'ha quiesto interpretar como cognato de roza, substantivo postverbal de rozar, evolución de *RUPTIARE. Juan Antonio Frago Gracia: Toponimia del Campo de Borja. Estudio lexicológico. Institución Fernando el Católico, pp 167-168. Presenta significaus que van dende "penya", "cinglo" u "ralla" como material rocoso alto, aspro y de dificil acceso dica lo secundario de "costera" u "ladera" en Gúdar-Chabalambre y comarcas churras.
Cheolochía La sierra de la Rocha ye formada principalment por calsineras d'edat cenomaniana (Cretacio superior), que corresponden a lo costau prou verticalizau d'un anticlinal conoixiu como de Cuarto Pelau. Este anticlinal encierra baixo estas calsineras formacions como las arenas d'Utriellas d'edat albiana, unas calsineras d'edat aptiana (Cretacio inferior), y un nuclio churasico.
Baixando dende la sierra de la Rocha enta Cantaviella la erosión regresiva de bel barranco ha plegau a fer aflorar lo nuclio churasico de l'anticlinal fendo una cluse. Eduardo Viñuales Cobos (coordinador): Red natural de Aragón. nº 3, Maestrazgo Prames, 2006. p 47.
Bi ha formas periglacials. La val de las Defesas de Fortanet ye una val con fondón plan con vertients cubiertas por pedrizas. José Luis Peña Monné et al. : Geomorfología de la Provincia de Teruel. Instituto de Estudios Turolenses, 1984. p 89. En las laderas de puerto de Cuarto Pelau bi ha lobulos de solifluxión.
Referencias
Bibliografía Eduardo Viñuales Cobos (coordinador): Red natural de Aragón. nº 3, Maestrazgo Prames, 2006. José Luis Peña Monné et al. : Geomorfología de la Provincia de Teruel. Instituto de Estudios Turolenses, 1984. Instituto Geológico y Minero de España: Mapa Geológico de España E 1:50.000. Forcall. Servicio de publicaciones de Ministerio de Industria y Energía.
Rocha de las Defesas Rocha de las Defesas Rocha de las Defesas