La Bigornia ye una cima doble de 1.294 y 1.288 m d'altaria situada en lo cabalto de la sierra homonima. La cima de 1.288 m ye en territorio aragonés a menos d'un kilometro de la muga de entre las provincias de Zaragoza y Soria. La cima de 1.294 m ye de tot en territorio de Soria.
Ye accesible dende lo puerto de la Bigornia, por a on que pasaba la calzada romana entre Bilbilis y Numancia.
Toponimia L'oronimo Bigornia significa "enclusa con dos puntas" en castellano, palabra que se remonta a lo latín BICORNIA (plural neutro de BICORNIUS, que significa "de dos cuernos"). Manimenos puede haber-se orichinau por etimolochías populars, ya que bi ha textos escritos en latín medieval a on que s'escribe Viduerna u Vidorna.
Se fa mención d'este oronimo como Viduerna en lo "Fuero de Calatayú":
S'escribe Labidorna en la "Fitación de Wamba", texto medieval que mira de chustificar las mugas de la diocesi de Zaragoza en base a unas presuntas mugas que enta los anyos 672 u 680 habría fixau lo rei visigodo Wamba:
Lo cartografo y astronomo portugués Labanha nombra una valle de Yunquera en lo suyo "Itinerario del Reyno de Aragón (1610-1611)" que podría estar una traducción de Bigornia:
Referencias
Vinclos externos En "Mendikat".
Categoría:Montanyas d'a provincia de Zaragoza Categoría:Montanyas d'a provincia de Soria Categoría:Montanyas de Torrelapalla Categoría:Sierra de la Bigornia Categoría:Montanyas en a muga entre Aragón y Castiella