Sancho Abarca ye un mont de 630 metros d'altaria situau en as Bardenas d'Aragón, en a provincia de Zaragoza, a 700 d'a muga con Navarra.
En a suya cima se troba o Santuario de Nuestra Sinyora de Sancho Abarca, puesto de pelegrinache ta os vecins de Taust y atros lugars aragoneses y navarros, cuantas antenas de comunicacions, un cubilar ta cazataires y un vértiz cheodesico.
Historia Seguntes a tradición popular, o Chueves Santo 7 d'abril de 1569 un pastor roncalés trobó una imachen d'a Virchen chunto a las enrunas de l'antigo castiello de Sancho Abarca en o cabezo del Fraile (557 m). En baixar ta Fustinyana ta dar a noticia se trobó a un cazataire de Taust a qui recentó a suya troballa. O cazataire marchó ascape ta o suyo lugar a decir-lo, fendo que os taustanos puyasen a o mont a prener a imachen antis que no lo fesen os navarros.
Os navarros protestoron por l'apropiación d'a talla, encara que a la fin l'arcebispe de Zaragoza dió a ragón a os aragoneses. Asinas dica a construcción de l'actual ermita de Sancho Abarca entre os sieglos XVII y XVIII, a imachen permaneixió en a parroquia de Taust.
Se veiga tamién Virchen de Sancho Abarca Sancho Abarca (Taust)
Vinclos externos En Mendikat Fuella d'o vértiz cheodesico
Categoría:Montanyas d'a provincia de Zaragoza Categoría:Montanyas d'a depresión d'Ebro Categoría:Montanyas de Taust Categoría:Vertices cheodesicos d'Aragón Categoría:Montanyas de Cinco Villas