Phobos (d'o griego Φόβος, "espanto") ye la mas gran d'as dos lunas de Marte Joseph A. Angelo Jr. Encyclopedia of Space and Astronomy, Facts on File, 2006, , p.451 y a mas amán a la planeta, estando Deimos l'atra luna. As dos estioron descubiertas per l'astronomo estausunidense Asaph Hall (1829-1907) o 18 d'agosto de 1877. Estió lo propio descubridor o que proposó os nombres, inspirau per o libro XV d'a Iliada, en o cual lo dios Ares (clamato Marte en a mitolochía romana) invoca a lo espanto ("Phobos") y a la terror ("Deimos").
Phobos ye un chicot satelite, de forma irregular, que lo suyo rayo meyo ye d'once kilometros. presenta perén a mesma cara a Marte, a causa de l'ancorache per mareya exerciu per a planeta. Orbita a uns 6000 kilometros d'a superficie marciana, lo que le converte en o satelite mas amán a la suya planeta de tot o sistema solar.Istas fuerzas de mareya creigan una desacceleración en Phobos, perdendo amonico iste a suya velocidat orbital, o que ocasionará la suya colisión con Marte dentro d'uns 50 a 100 millons d'anyos, u bien la suya desintegración y formación d'un aniello arredol d'a planeta.
Nombres d'os elementos cheolochicos Os elementos cheolochicos de Phobos s'han nombrau en memoria de astronomos relacionaus con o satelite, asinas como con nombres de personaches y puestos d'a novela "Os viaches de Gulliver" de Jonathan Swift.
Referencias
Categoría:Satelites de Marte