La Talaya (La Atalaya en castellano) ye un mont de 753 metros d'altaria situau en o sector occidental d'a sierra d'Arcos y en o municipio d'Albalat de l'Arcebispe (Teruel).
En a suya cima bi ha un vértiz cheodesico.
Toponimia Lo oronimo La Talaya ye transparent en aragonés. Una talaya ye en orografía un punto prou alto y vistable que permite posar-ie un puesto de vichilancia d'os terrenos d'arredol. L'arabismo talaya creyó muitos toponimos en tiempos d'a reconquiesta d'a val d'Ebro y Sistema Iberico, lo que ixampló dimpués lo significau orichinal de "torraza situada en alto" a lo d'"altaria bien vistable en o terreno". Juan Antonio Frago Gracia: Toponimia Navarroaragonesa del Ebro (II): Nombres de núcleos de población y de construcciones religiosas y militares. Publicau en: Revista Príncipe de Viana, Nº 156-157, 1979, pp. 333-350. Juan Antonio Frago Gracia: Toponimia navarroaragonesa del Ebro (IV): Orónimos. Publicau en: Archivo de Filología Aragonesa, Vol. 30-31, 1982, pp. 30-31.
En o termin municipal d'Arinyo bi ha unatro microtoponimo dito tamién La Talaya chunto a lo forcallo d'os ríos Escuriza y Martín y a l'ueste d'a depresión d'Arinyo-Andorra.
Referencias
Vinclos externos Fuella d'o vértiz cheodesico.
Talaya Talaya Talaya Talaya Categoría:Montanyas d'Albalat de l'Arcebispe Categoría:Montanyas d'o Baixo Martín