Iste articlo tracta sobre o municipio desapareixito d'Albella y Chanovas. Pa atros usos d'o toponimo Albella se veiga Albella (desambigación), y pa Chanovas, se veiga Chanovas (desambigación).
Albella y Chanovas (oficialment en castellano Albella y Jánovas «Albella y Jánovas» en «Alteraciones de los municipios en los Censos de Población desde 1842» de l'INE; consultada o 16 de marzo de 2019.) fue un municipio desapareixiu d'Aragón que existió entre o censo de 1897 y as zaguerías d'a decada de 1970, cuan fue absorviu por o municipio de Fiscal. Se trobaba en a Ribera de Fiscal, en a zona meya d'a valle de l'Ara, en o que huei ye a comarca de Sobrarbe, en a provincia de Uesca.
En chunto con municipio de Burgasé, fue un d'es dos municipios que desapareixión y fuen absorvius por Fiscal a consecuencia d'as expropiacions por o prochecto d'entibo de Chanovas que afectó a 17 nuclios de población d'a Ribera de Fiscal y a valle d'a Solana. MENJÓN RUIZ, Marisancho. Jánovas, víctimas de un pantano de papel. Pirineum Editorial. Chaca (Uesca), 2006.
Historia
O municipio apareix en o censo de 1897 por a fusión d'o municipio d'Albella y Planiello y o de Chanovas. Mientres que Chanovas veniba solo, Albella y Planiello ya teneba replegaus os nuclios de la Cort, la Velilla, Ligüerre d'Ara y Sant Felices dende o periodo intercensal 1842-1857 «Albella y Planillo» en «Alteraciones de los municipios en los Censos de Población desde 1842» de l'INE; consultada o 16 de marzo de 2019. en o cual desapareixión mas de 2200 concellos por toda Espanya.
Demografía
Evolución d'a población d'Albella y Chanovas dende 1897 dica 1970.
Referencias
Categoría:Historia d'a Ribera de Fiscal Categoría:Municipios d'Aragón desapareixius Categoría:Localidaz d'a diocesi de Balbastro-Monzón en Sobrarbe