A iglesia de Santa María d'a Corona ye una ilesia que se troba en o municipio d'Exeya d'os Caballers, en a comarca de Cinco Villas y provincia de Zaragoza, en Aragón. Dende lo punto d'anvista d'a Ilesia Catolica pende de l'arciprestrau d'Exeya d'os Caballers de l'archidiocesi de Zaragoza.
Adedicada a Santa María, lo templo se debantó inicialment en o sieglo XII pero ha teniu importants trasformacions dimpués en estilos gotico y barroco.
Descripción Planta A planta d'a ilesia ye constituyida por nomás que una sola nau (2) dividida en cinco trampos, con grans muros, cubierta por voveda de canyón apunchau, soportada por grans contrafuertes. L'abside (3) ye poligonal de cinco seccions, con una finestra aspillada a l'exterior y abocinada d'as suyas seccions a l'interior en cadaguna; se troba recorriu por una arquería ciega, con vanos abocinaus y cubierta de forno nervada. L'arco trunfal, apunchau, desepara lo presbiterio d'a nau.
thumb|left|250px|Planta d'a iglesia (con marcas de cantería) Lechenda d'a imachen 1. Frontera sud, sieglo XII 2. Nau 3. Abside, capiella mayor 4. Capiella de Santa Tecla, Sant Cosme y Sant Damián 5. Capiella d'a Coronación 6. Capiella de Sant Chusé 7. Capiella de Sant Blas 8. Capiella d'o Santo Cristo 9. Capiella de Santa Ana 10. Capiella d'a Virchen d'o Pilar 11. Coro, sieglo XV 12. Baptisterio 13. Torre-campanal, sieglos XIII y XVII 14. Frontera ueste, dentrada; sieglo XVII 15. Marcas de cantería
En l'interior se troban una serie de capiellas antimás d'o molimental coro elevau (11).
Cheodesia Bi ha un vértiz cheodesico situau sobre a ilesia a una altaria de 359 metros dende o livel d'a mar Fuella d'o vértiz cheodesico..
Referencias
Enlaces externos
María d'Exeya María d'Exeya María d'Exeya María d'Exeya Exeya María d'Exeya María d'Exeya Categoría:Molimentos d'Exeya d'os Caballers Categoría:Biens d'Intrés Cultural de Cinco Villas