thumb|right|250px|«Catedra» u cadiera de lo bispe en a seu-mesquita de Cordoba (Andalucía). Catedra (pronunciau /kaˈtedra/, d'o griego καθέδρα) ye un cultismo que designa una cadiera destacada y situada adebant y mas alta que atras, sobre un calcil u una tarima, principalment ixa en a cual s'asienta o bispe en os oficios liturchicos. A ilesia catedral ROMANOS HERNANDO, Fernando, Diccionario aragonés-castellano castellano-aragonés; Edicions Transiberiano. Zaragoza, 2017. (u «seu») recibe ixe nombre porque ye aon se troba la «catedra» d'o bispe d'una diocesi.
En o mundo academico, a palabra catedra tamién s'emplega pa designar o cargo d'o profesor u docent que ocupa o puesto mas alto en o escalafón, un «catedratico», y tamién a fayena que fa y a materia que amuestra a os suyos alumnos. O emplego d'esta palabra dimana d'os profesors d'as universidatz medievals, que impartiban as suyas licions dende una cadiera mesa en alto d'una tarima, y por ixo mas altos que os suyos alumnos.
A palabra «catedra» tiene equivalents en atras luengas romances, como o catalán càtedra, o castellano cátedra, o portugués cátedra u o francés cathèdre. En luengas no romances, como l'alemán Kathedra y o ruso Кафедра, acuden directament a o latín y o griego pa fer a palabra parellana, dando-le asinas un tractamiento culto en toz os casos.
Referencias
Se veiga tamién
Profesor universitario. Cadiera. Cadiera de Sant Ramón de Roda.
Categoría:Mobiliario Categoría:Universidaz