O chabolismo ye lo fenomeno de l'asentamiento constituyiu per un conchunto de viviendas denominadas "chabolas" (d'o basco "txabola" ("borda")). As chabolas son viviendas realizadas con materials de repuyo d'obras, plasticos, fusta y uralita. Son construyídas per chents de pocos u garra recurso economico y no poseyen garra licencia urbanistica y las suyas condicions de salubridat son pesimas. Os poblaus de chabolas se devantan en rasos arredol d'as ciudaz y en bagos abandonaus dentro d'as mesmas.
Atros nombres que pueden tener son: chamizo, guariche u cuchitril.
thumb|Una chabola en Mexico.
En 2006 s'estima que i heba amán de mil millons de personas vivindo en asentamientos chabolistas, a gran mayoría en ciudaz de Latinoamerica, Asia y Africa, y una minoría en Europa y Nortamerica.
Chabolismo en Europa Aragón Zaragoza Existen dos poblaus chabolistas en l'actualidat (2019): uno ye en o camín de Montemolín, amán d'o Pabillón José Luis Abós, y l'atro en a carretera de Cogullada. En 2017 heba rechistradas 56 chabolas con 274 personas vivindo en ellas. Uesca I hai un poblau chabolista en o camín Jara. El estado del poblado de Jara, "cada vez más difícil" de solucionar. 20 de chinero de 2016, Diario del Alto Aragón Chaca En o barrio chabolista de Sant Chorche viven 30 familias. El plan de erradicación del chabolismo de Jaca contempla una solución para el barrio San Jorge en un plazo de cinco años. 29 de chinero de 2018, Jacetania Express
Espanya En o conchunto d'o estau espanyol i heba en 2015 cuasi 2.300 chabolas con 10600 personas vivindo en ellas, a mayoría chitans espanyols, rumanos y portugueses. Madrid: en 2016 viviban unas 2260 personas en poblaus de chabolas. Os asentamientos mas famosos son "El Gallinero", "La Cañada Real Galiana", "El Salobral", "Barranquilla" y "Las Sabinas". Barcelona: en 2018 viviban 536 personas en chabolas. Andalucía: los poblaus mas grans se concentran en as siguients ciudaz: Malaga, poblau de "Los Asperones" (830 personas vivindo astí); Sevilla, poblau "El Vacie" (735 personas), Alcalá de Guadaíra, poblau "Torreblanca" (243 personas) y Níjar, "El invernadero" (200 personas). Ciudad Real: en l'asentamiento de "Sant Martín de Porres" viviban 340 personas en 68 *chabolas en 2015.
Chabolismo en America Mexico En l'aria de Neza-Chalco-Ixtapaluca en Mexico se troba lo mayor asentamiento chabolista d'o mundo.
Chabolismo en Asia India O "Dharavi slum" de Bombai ye uno d'os mas grans d'a India.
Chabolismo en África En diversos países d'o Africa central a gran mayoría d'os suyos habitants viven en chabolas: asinas, per eixemplo, en a Republica Centroafricana viven o 95,9% d'os suyos habitants en chabolas, en Chad lo 89,3%, en Nicheria lo 81,7% u en Mozambique 80,5%.
Referencias
Bibliografía "Chabolismo en Andalucía", 2005, Defensor del Pueblo Andaluz. "Estudio-Mapa sobre la vivienda y la población gitana", 2015, Ministerio de Sanidad, Servicios Sociales e Igualdad.
Categoría:Sociolochía Categoría:Pobreza