Este articlo tracta sobre la paúl de Fuent Pudia situada en Pedrola. Pa atros emplegos de Fuent Pudia se veiga Fuent Pudia (desambigación). A Fuent Pudia (transcrito como Fuempudia en a cartografía oficial) ye una chicorrona paúl que se troba en a val d'el Bayo (en o termin municipal de Pedrola).
Situada a uns 330 metros d'altaria y tien una superficie de 0.84 hectarias. F.Larraz, J.Albisu, A.Gros: Plan General de Ordenación Urbana de Pedrola. Memoria descriptiva, 2012, p.14. Sirve de refuchio a cuantas especies de fauna en una zona d'entorno estepario.
Antis mas bi heba una pardina, actualment deshabitada, an treballaban obrers d'os duques de Villafermosa. En 1930 viviban astí siet personas. Catálogo de pueblos y municipios de Aragón. Estadística de población y nomenclaturas toponímicas entre 1900 y 2004, Gubierno d'Aragón, 2005, , p.213
En a suya redolada bi hai cuantos naixeders, denominaus "minas de Fuempudia", que dan orichen a la paúl y que dica la construcción d'a Canal Imperial d'Aragón yeran a prencipal fuent de suministro d'augua pa Pedrola.
Toponimia L'hidronimo fuent Pudia presenta un segundo formant que deriva d'o latín PUTIDA, adchectivo feito a partir d'o verbo latino PUTĒRE con o sufixo latino -IDA. Lo verbo PUTĒRE orichinó "pudir" en aragonés cheneral y "putir" en aragonés central. La terminación -ia como derivación d'o sufixo -IDA presenta una evolución comparable a la terminación -io que trobamos en embefio, fastio, limpio, nedio y rancio a partir de -IDUS. En Asín de Broto se documenta d'acuerdo con la fonetica de l'aragonés central lo microtoponimo Fuendeputia, María Pilar Fuertes Casaus, María Isabel Allué Navarro: Nombres para un paisaje. Toponimia del Valle de Broto Editau por las propias autoras, 2006. p. 25. pero la variant pudia yera d'emplego regular en aragonés medieval, igual como en as etapas medievals d'o leyonés y lo castellano. En a provincia de Palencia bi ha un municipio dito Ampudia que apareixe en a documentación medieval como Fuent Pudia entre atras formas.
Se fa mención d'a paúl de Fuent Pudia de Pedrola en a carta de población atorgada por lo monesterio de Veruela a los habitadors de Pozuelo d'Aragón (1245).
Referencias
Categoría:Pedrola Categoría:Paúls Pudia