A ilesia d'a Santa Cruz en Bureta, Campo de Borcha, ye un templo catolico de construcción barroca de finals d'o sieglo XVII. Eclesiasticament se troba adscrito a l'arcipestrau de Uecha en a diocesi de Tarazona.
Descripción Se tracta d'una construcción barroca de zaguerías d'o sieglo XVII. O material emplegau preferentement ye o ladriello. Consta d'una nau rectangular con galería d'arcos y una torre campanar de planta cuadrada y cuerpo octogonal a partir d'a cubierta de l'edificio. A portalada de piedra emplega l'arco de meyo punto zarrau entre pilastras y rematada con capilleta flanqueyada por os escudos condals. A frontera, amás se decora con cuadros resaltaus de ladriello y columnas d'orden toscano. A nau de cabecera plana y crucero se cubre con vuelta de lunetos, mientres que l'abside lo fa con cupula sobre pechinas en as que tamién i apareixen os escudos condals.
Os retablos d'as capiellas d'a nau, asinas como o retablo mayor son d'os sieglos XVI y XVII.
En a suya cripta se troban enterrecaus beluns d'os contes de Bureta.SIPCA
En 1979 fue catalogada como Bien d'Intrés Cultural.
Cruz de Bureta Cruz de Bureta Cruz de Bureta Cruz de Bureta Bureta Cruz de Bureta Categoría:Molimentos de Bureta