Pa atros usos d'a parola onso se veiga Onso (desambigación).

Chuan l'Onso u Chuan de l'Onso ye o nombre d'un personache mitico recurrent en o folclore de transmisión oral de diferents países d'Europa, aon que protagoniza mitos con semellanzas entre éls, o que podría estar muestra d'una radiz común. NAVARRO LÓPEZ, José Miguel. Diccionario de signos, símbolos y personajes míticos y legendarios del Pirineo Aragonés. Ed. PRAMES. Zaragoza, 2018. . As caracteristicas comuns con que se le representa son que ye o fillo d'un onso y una muller, tiene fuerza sobrehumana y sole vivir en a espesura d'una selva u en bella espluga.

Academicament, o personache s'alude siempre con un nombre que sigue ixa mesma forma en cada luenga: Chuan + Onso. Se diz Juan el Oso en espanyol, Jean de l'Ours en francés, John The Bear u John-of-The Bear en anglés, etc.. Os cuentos de «Joan de l'Ors» son muit populars en Occitania, aon que o personache gosa protagonizar historias mesmo heroicas, estando a rechión en a cual s'ha feito mas variacions d'este mito. Tamién se conoix versions d'o mito de «Joan de l'Ós» en Catalunya d'o Norte Joan de l'Ós, el cor salvatge, consultada o 4 d'aviento de 2019. y en o País Basco baixo lo nombre de «Xan Hartza» u «Juan Artz». Curiosament, una historia parellana documentada en Mallorca le diz Joan de l'Onso.

Autors como Enrique Satué han visto que o mito de Chuan l'Onso podría haber influiu en a formación de mitos locals de l'Alto Aragón, como Chuan Ralla de Sobrarbe, o Silván de Tella u lo Basajarau d'as vals occidentals. SATUÉ OLIVÁN, Enrique. El Pirineo Contado. Ed. PRAMES. Zaragoza, 2014. .

O personache literario Gildo Mallo, d'a novela Desperta ferro! (1930) de Ricardo León, ye un boxiador naixiu de Sobrarbe y que diz que desciende d'una muller y un onso a traviés d'un antipasau que se diz, curiosament, Chuan l'Onso. Voz León, Ricardo en a GEA, consultada o 4 d'aviento de 2019.

Referencias

Se veiga tamién

Bruixón. Chuan Ralla. Silván de Tella. Hombre de Mataire. Hombre cerrudo. Hombre de l'onset.

Vinclos externos

Categoría:Mitolochía Categoría:Mitolochía aragonesa Categoría:Mitolochía pirinenca