thumb|right|200px|O tozuelo d'un mallo. En a primer imáchen se veye a trasca. De forma cheneral, a trascaCon a variant tasca (puestar que d'o latín <TRAGŬLA) PARDO ASSO, José, Nuevo diccionario etimológico aragonés (voces, frases y modismos usados en el habla de Aragón) (Facsímil); Institución «Fernando el Católico» + Gara d'Edizions. Zaragoza, 2002. ye o forato u orificio por a on se fa encaixar un palo en unatra parte d'un utensilio u ferramienta, de regular de forma perpendicular, lo mas normal pa encaixar o mango en a capeza u tozuelo d'a ferramienta.
Si entre o mango y a trasca l'encaixe no ye exacto y baila, se puede fer preciso achustar-lo con un troz de trapo, tira de cuero u cosa semellant. Alavez o trapo u cuero que s'emplega pa esto se diz «trasquil». En aragonés existe a mas o verbo «entrascar» que significa encasquetar, meter una cosa bien preta, deixar-la trabada.
En os chubos de collera mas elaboraus, i ha una zarpada de foratos en a parte d'alto pa entrascar una estaqueta u tarugo sobre a que se mete o timón, y asinas regular a fuerza que ha de fer cada animal de a chunta. Estes foratos se dicen «trasquetas». BLAS GABARDA, Fernando y ROMANOS HERNANDO, Fernando, Diccionario Aragonés: Chistabín-Castellano; Institución «Fernando el Católico» + Gara d'Edizions. Zaragoza, 2008. A correa con que se liga o timón contra o chubo pa asegurar-lo se diz «trascal». BARCOS, Miguel Ánchel, El Aragonés Ansotano: estudio lingüístico de Ansó y Fago; Institución «Fernando el Católico» + Gara d'Edizions. Zaragoza, 2007.
Notas
Referencias
Se veiga tamién Trascón. Aladro. Timón. Chubo.
Categoría:Ferramientas