A Carta d'Alaón, en referencia ta o Reyal Monesterio de Santa María d'Alaón ye una contravertita carta atribuyita ta Carlos o Calvo (nieto de Carlos Magno) describindo una chenealochiya d'a familia d'Eudes, duque d'Aquitania (715-735) y consecuentement de l'antiga aristocracia de Vasconia, Navarra, Aragón y os territorios de l'actual Occitania.
En o XIX sieglo, p.ex., o historiaire Joseph-Francois Rabanis tentie de contrimostrar que a carta yera una falsificacion d'o XVII sieglo d'o erudito espanyol Juan Tamagno Salazar. D'atros, como p.ex. Fauriel (en o 3ª volumen d'a suya "Histoire de la Gaulle Meridionale") argumentan que a carta puet estar autentica.
Descripcion Entre atras informacions d'a carta, a mas important afirma que os duques d'Aquitania y Vasconia descendeban d'o rai merovinchio Cariberto II. A carta presentaba, antimas de Childerico, (seguntes Fredegario feneciu en o naiximiento), dos atros fillos de Cariberto II: Boggis y Bertrand, ta qui Dagoberto haberba donau o raino d'Aquitania. Boggis haberba habiu un fillo, o duque Eudes d'Aquitania, d'o cual descenderban os rais d'Aragón qui hesen podiu consecuentement fundamentar as suyas eventuals aspiracions ta o trono de Francia.
Seguntes os detractors d'a carta, entre atros argumentos, istos dos fillos Boggis y Bertrand, ansina como l'ascendencia d'o duque de Vasconia Lupo II no son estaus suficientment documentaus y consecuentement os vinclos entre a familia d'Eudes y os Merovinchios no puet estar formalment estableixita.
Anexos Bibliografiya Joseph-François Rabanis, Les Merovingiens de Aquitanie, essay historique et critique de la Charte D'Alaon, Paris, 1856. M. Fauriel, Histoire de la Gaulle Meridionale, 1836 A. Mazure, Histoire de Bearn et du Pays Basque, 1839
Vinclos externos La Charte d'Alaon sur Foixstory Gascogne soz Foundation for Medieval Genealogy
Categoría:Edat Meya en Francia