O barranco de las Almunias ye un barranco que naixe en las Planas de María y dimpués de recorrer 6 km por os municipios de Zaragoza y Cadret desemboca en iste zaguero en a Uerba.
Cheolochía Os materials que forman o barranco son limos chesosos, nodulos de cheso y gravas de margas y calsineras, procedents d'a denudación d'as laderas en as epocas de plevia y fredor. Os sedimentos han feito que o perfil en V d'o barranco haiga cambiau a o de fondón plano, ya que as corrients d'augua no tienen prou enerchía pa retirar-los. En Aragón a ista geomorfolochia le'n diz val.
En os periodos aridos y de calor predomina o fenomeno d'a erosión en que as vals sufren un abarrancamiento remontant. Dita erosión, mas que mas dimpués de tronadas cerenyas, esvacía as vals creyando formacions de parez verticals conoixidas en a val d'Ebro como tollos.
Istas dos fases, acumulación (vals) y incisión (tollos), s'encetoron dimpués de que o río Ebro prencipiara a vaciar a suya cuenca endorreica existent en o Mioceno final-Plioceno. Se desarrolloron d'entre Pleistoceno, pero debiu a que os cambios climaticos yeran mas frecuents en l'Holoceno, estió en iste periodo cuan bi habió mas transformacions. Actualment, y debiu a la frachilidad d'os elementos a la erosión, han desapareixiu deixando as restas d'os zaguers depositos orichinaus.
Feguras de protección Puesto d'importancia comunitaria (PIC) "Planas y estepas d'a marguin dreita de l'Ebro". Zona d'especial protección pa las aus (ZEPA) "Río Uerva y las Planas". Puesto d'Intres Cheolochico (PIG) "Chesos d'o barranco de las Almunias".
Vinclos externos Las Planas - Barranco de las Almunias. Diario de un caminante Geología. Por el barranco de las Almunias Un oasis en la estepa. 16 d'agosto de 2014. El Periódico de Aragón
Almunias Almunias Almunias Categoría:Puestos d'importancia comunitaria d'Aragón Categoría:Zonas d'especial protección pa las aus d'Aragón