thumb|300px|Telegabina en a Expo 2008 en Zaragoza thumb|300px|Telegabina en a estación d'esquí de Pandicosa Una telegabina ye una remontadera pareixida a una telecadiera desembragable pero a on lo que pencha d'o cable no son simplas cadieras a la intemperie sino gabinas zarradas.
Tanto a o prencipio como a o final, as gabinas circulan guidadas por una mena de carrils a baixa velocidat, permitindo a la chent dentrar-ie u salir-ne, con as correspondients obreduras y tancaduras automatizadas de puertas. En o meyo, enganchadas a o cable, circulan a una velocidat mayor.
Una versión mas gran y sofisticada d'as telegabinas son os funitels, que en cuentas de tener as gabinas penchando d'un solo cable, las tienen penchando de dos.
D'antis mas as gabinas presentaban a sobén una forma d'elipsoide que les feba pareixer uevos, pareixiu que se veyeba incrementau por o feito de que s'ubriban totalment por a metat, como si un uevo se crebase. Ye por ixo que popularment tamién se conoixe a las telegabinas como uevos.
Capacidat A suya capacidat puet variar muito, entre as 4 y as 16 personas por gabina. Amás, os suyos ocupants pueden viachar tanto dreitos como posaus, y con os esquís u snowboards adintro u difuera d'a gabina (pero nunca no mesos). Por un regular, as gabinas chicotas (4, 6 u 8 plazas) tienen uns porta-esquís pareixiu a cestas alargadas penchadas de l'exterior d'as puertas, y a chent i mete os esquís antis de dentrar a la gabina, a on serán posaus en d'os ringleras perpendiculars a o sentiu d'avanz. Por contra, as gabinas mas grans, gosan estar prou altas pa que a chent i dentre os esquís, disposando-se os esquiadors circularment y dreitos.
Especialment en recorrius luengos, son muit apreciadas por os esquiadors por o feito de permitir-les ir zarraus (y mas calients), si bien o embarque gosa estar mas fastioso que en telecadieras, por o feito d'haber de sacar-se os esquís y snowboards.
Telegabinas en Aragón En l'actualidat o solo telegabina en funcionamiento en territorio aragonés ye l'uno d'a estación d'esquí d'Aramón Pandicosa. En servicio dende l'anyo 1999, une a localidat de Pandicosa, a 1.150 metros d'altaria, con a zona de servicios de Petrosos, a 1.900 metros. Un repaso a la historia de Panticosa. Nevasport. Iván Medina. 25 de febrero de 2005.. Tien una capacidat de 8 personas y funciona tanto d'hibierno mientres a temporada d'esquí, como en verano pa fer excursions por a montanya Telecabina Panticosa. Valle de Tena., moviendo dica 1.800 personas por hora. "La Nieve en Aragón". Salvador Domingo Comeche. Cai100, . Pach. 29
O primer telegabina aragonés estió o historico "uevo" de Fornigal. Construyiu en l'anyo 1969 permaneixió en servicio 25 anyos, dica o 18 d'abril de 2004, tresportando dica 38 millons de personas en ixe periodo. A suya capacidat yera de 900 esquiadors por hora. El "huevo", un remonte histórico de Formigal. Radio Huesca. Martes, 14 d'aviento de 2010.
Con motivo d'a Expo 2008 se construyió en Zaragoza a telegabina Aramón que uniba a gara de Delicias con o recinto d'a Exposición Internacional. Continó en servicio dos anyos mas dimpués de rematar a Expo pa dimpués aturar-se. Prencipió a desmontar-se a la fin o 5 de mayo de 2015. Aramón comienza a desmontar las telecabinas de la Expo a la espera de decidir qué hace con ellas. Heraldo de Aragón. 5 de mayo de 2015.
Referencias
Se veiga tamién Teleferico Telecadiera
Categoría:Remontaderas