Konterbakom (en escritura iberica 45px) ye a transcripción fonetica literal d'os epigramas en signario iberico escritos en bellas monedas celtiberas de bronce cudidas en a primera epoca romana d'Hispania, cual ceca, seguntes as hipotesis mas aceptadas en a comunidat cientifica, estió situada en una antiga ciudat dita Konterbia Belaiska u bien Contrebia Belaisca. As restas arqueolochicas d'iste oppidum se troban en o puesto dito Cabezo de las Minas en Botorrita, Zaragoza, (Aragón).

Metals y emisions Contrebia Belaisca cudió dos emisions. Problemas en torno a la ciudad de Conterbia Belaisca. BELTRÁN LLORIS, Miguel. NVMISMA. Anyo XXVI. Num. 138-143. 1976. Pach. 80. Sociedad Iberoamericana de Estudios Numismáticos A primera, d'estilo mas clasico, en zaguerías d'o sieglo II aC. A segunda, con un estilo mas brocero, en primerías d'o sieglo I aC. En as dos feguran as inicials BE L en l'anverso, y en o reverso o epigrafe Konterbakom, que se traduz como un chenitivo: “d'os de Konterbia”. La Moneda en el Aragón Romano. ROYO ORTIN, Marco L. Pach. 17

Metrolochía Atamas de presentar lechendas indichenas, a suya metrolochía (pesos y leis) se basa en o sistema romano con unidazs equivalents a os ases romanos y as suyas divisions: semises (metaz) y cuadrants (cuartos). Cal parar cuenta, manimenos, que s'ignoran as denominaciones reals que istos pueblos dioron a las suyas propias monedas, lo que ha levau a emplegar —talment erroniament— a terminolochía romana pa esprisar as valors indichenas conforme a o suyo peso y modulo. A unidat, equivalent a l'as, gosa medir entre os 22 y os 24 mm y o suyo peso oscila entre os 9,10 y os 7,51 g. Un semis puet medir entre 19 y 20 mm y pesar 5,02 g, y un cuadrant medir 15 mm y pesar 1,9 g.

Dispersión Istas piezas se troban con mas frecuencia en l'actual provincia de Zaragoza, en a de Teruel, y belunas tamién en as de Guadalachara y Cuenca. En ellas, como en buena parti d'as que s'han trobau en a resta de l'antigua provincia d'Hispania Citerior, apareixe siempre en l'anverso una cabeza masculina y en o reverso un chinete portiando una lanza u una palma. En o reverso d'a moneda fraccionaria (semises y cuadrants) o chinete ye sustituyiu por un caballo y una luna creixient. En toz os reversos apareixe a dita lechenda Konterbakom en caracters ibericos.

Guillermo Fatás pp. 9-18 aventura a hipotesi de que en cada rechión d'a Celtiberia tendría una mena de “capital federal” articulando-la politicamente, unica d'as ciudaz de dito territorio que produciría emisions d'archent. En o caso de Konterbia, —atamas de no haber tals emisions— ista función vendría esplicita en o propio nombre d'a ciudat, seguntes autors que apuntan a la posibilidat de que Contrebia Belaisca se pueda traducir a o latín como Conventus Bellorum u "reunión d'os belos". Asinas Contrebia sería a ciudat prencipal d'os belos. pp. 34-35

Existen monedas con o epigrafe Belaiskom (d'os belos). Miguel Beltrán Miguel Beltrán en GEA las considera perteneixients tamién a Konterbia Belaiska, encara que os trobos realizaus dica agora sinyalan a suya situación entre Osma (Soria) y Cervera del Río Alhama (La Rioja).

Iconografía As emisions de zaguerías d'o sieglo II aC amuestran en l'anverso una cabeza viril mirando enta a dreita, peinau de "caracols", con tres caracols por dezaga d'a orella. A la dreita, debant d'a cabeza, amuestra un delfín. Dezaga, a la ezquierda, en signos ibericos, a inscripción BEL. En o reverso, un chinete con palma, cabalgando enta dreita. Debaixo, en l'exergo Definición "exergo", a inscripción iberica Konterbakom.

Por a suya parti, as emisions d'o sieglo I aC amuestran en o suyo anverso una cabeza viril chirada a la dreita, con peinau en dos livels. Debant, delfín, dezaga signos ibericos (BEL). En o reverso, un chinete lancero enta a dreita. O signo BA d'a inscripción de l'exergo apareixe una mica curvau. En os semises y cuadrants o chinete ye sustituyiu por un caballo galopiando enta a dreita, y dencima, una luna creixient entre dos globulos (en os semises) u tres globulos (en os cuadrants).

Referencias

Se veiga tamién Bronces de Botorrita Belaiskom Ceca de Kelin

Categoría:Contrebia Belaisca