Urbán yera un lugar medieval situau en l'actual municipio de Samianigo, en a Guarguera.
Encara se i puet trobar a ermita de Nuestra Sinyora d'Urbán, actualment en ruinas.
Toponimia L'orichen ye l'antroponimo latín URBANUS. Geografía medieval de Serrablo. José Miguel Navarro López. Colección «A Lazena de yaya», 15.
Historia Jordán de Asso fa referencia a ell como un d'os lugars ya desapareixius en o districto de Chaca. En zaguerías d'o sieglo XIX manimenos encara i quedaba una casa habitada. Seguntes o censo de 1800 bi heba tres personas: Inocencio Nasarre, Miguel Nasarre y Francisco Salomón, si bien cal parar cuenta que nomás yeran censaus os mayors de 25 anyos varons por o que a población sería mayor.
En estar albandonau o lugar as suyas tierras se repartioron entre os vecins de Chillué y Canyardo, lugars que chunto a A Guarta y Fablo acudían a la romería d'a ermita de Nuestra Sinyora l'1 de mayo.
Lechendas Se conserva tamién pa iste lugar, como documenta Enrique Satué, a lechenda d'as viellas pervivients. En iste caso as dos mullers heban feito testamento debant d'un mosén deixando as tierras d'o lugar a desapareixiu a os habitants de Canyardo. Manimenos pareixe que o mosén ixublidó en o suyo misal dito testamento y se'n fuo por orden d'o bispe a vivir ta Chillué. Ye por ixo que os vecins d'iste lugar cambioron o testamento a o suyo favor, pasando as tierras d'Urbán a estar d'a suya propiedat, en cuentas d'o lugar a o que las heban deixau as güelas.
Referencias
Vinclos externos En despobladosmedievaleshuesca.blogspot.com
Categoría:Despoblaus medievals d'a provincia de Uesca Categoría:Lugars desapareixius de Samianigo