Bailín yera un lugar medieval y actual pardina, a pardina de Bailín, situada en o municipio de Samianigo.
En l'actualidat en iste mesmo puesto se troba a depuradora de Bailín. Depuradora de Bailín. StopLindano.es
Toponimia Comparte a radiz preindoeuropea BAIL, común a atros toponimos d'o Pireneu como Bail u Bailo. Geografía medieval de Serrablo. José Miguel Navarro López. Colección «A Lazena de yaya», 15.
Historia A primera vegada que se i troba una referencia ye en un documento d'o Cartulario de Fanlo datau entre os anyos 1036 y 1057 (doc. 33). En ista cesión de García Fortunyones de Bailín a o monasterio fanlés de lo que heba cromprau a un tal Fortún Garcés en Centenero testigos toz os vecins de "Baiolini", Centenero y Larbesa.
Bi ha un segundo documento en o mesmo Cartulario, d'entre os anyos 1035 y 1070, que parla de como Lope Oriol concede a l'abat Banzo de Fanlo un mallolo (vinya recient plantada) en Bailín en a tierra dita Fonte de Spuanna pa "redención d'a mia alma" (doc. 52).
En l'anyo 1202, Galin Petriz de Baiolin apareixe como testigo en a renuncia que fa Pedro de Alcalá d'una propiedat en favor de García de Gúdal, bispe de Uesca.
A ilesia de Bailín estió anexa a la de Larbesuela (probablement o despoblau de Larbesa) mientres o sieglo XVI.
Referencias
Categoría:Despoblaus medievals d'a provincia de Uesca Categoría:Lugars desapareixius de Samianigo Categoría:Pardinas