El castillo de Pola u castiello de Pla ye un castiello situau en a marguin ezquierda d'o río Ebro, entre as localidaz zaragozanas de Remolinos y Torres de Berrellén (Aragón), amán d'o río Ebro y dencima d'a pardina de Pola. En o mismo cabezo en que se troba o castiello existe un chacimiento arqueolochico correspondient a o despoblau medieval de Pola.
Historia De construcción orichinalment andalusí, o castiello pasó a mans d'o reino d'Aragón mientres as expedicions de Pero I en 1101 y chugó un breu papel militar en l'asedio de Saraqusta por o exercito cruzau d'Alifonso I lo Batallero, en 1118. Dimpués d'a conquiesta cristiana, en primerías fue de propiedat reyal y dimpués pasó por cuantos propietarios como os Luna, os Ximénez d'Urreya u os Cerdán. Castillos de España Debaixo d'él s'establió una población dita Pola (u tamién Pla), d'a que ye testimonio l'actual pardina, una ilesia en ruinas adedicada a santa Helena y atra adedicada a santa Inés, tamién en ruinas. Ya en o sieglo XVII a localidad de Pola consta como deshabitada. Castillosnet
Descripción D'a ilesia de Santa Helena se conservan una porción de l'abside de ladriello y dos arcos apuntaus que ferían parti d'o muro lateral d'o templo. D'o castillo se conservan nomás bels muros de piedra picada y cheso, que se trafucan con o terreno, una galería subterrania que aduga enta un viello alchub y os alazez de bellas construccions que podesen haber estau torres. Ficha en A.R.C.A. 25 d'agosto de 2016
Catalogación O castiello de Pola ye incluyiu adintro d'a relación de castiellos consideraus Biens d'Intrés Cultural, en l'alpartau de zona arqueolochica, seguntes o dispuesto en a disposición adicional segunda d'a Ley 3/1999, de 10 de marzo, d'o Patrimonio Cultural Aragonés. Iste listau fue publicau en o Boletín Oficial de Aragón d'o 22 de mayo de 2006. El castillo de Pola. B.O.A. de 22 de mayo de 2006
Referencias
Categoría:Biens d'Intrés Cultural d'a Ribera Alta d'Ebro Pola Pola Categoría:Molimentos de Remolinos