Iste articlo tracta sobre Sant Mitier, que ye un lugar d'Aragón. Ta altros usos de «Sant Mitier» se veiga Sant Mitier (desambigación).

(oficialment, en castellano, Samitier) ye un lugar aragonés d'o municipio d'A Fueva, en a comarca de Sobrarbe y a provincia de Uesca. A suya población ye de 12 habitants (2010 «Samitier» en a subpachina «Relación de unidades poblacionales» d'o Instituto Nacional de Estadística, consultada o 28 de chinero de 2011.).

Cheografía y historia O lugar de Sant Mitier se troba en as garras d'o tozal de Sant Mitier por a man solana (occidental), en a val d'o río Susía y a poca distancia d'o río Cinca.

Feba parte de a dita ribera de Mediano, que con Mediano en cabeza yera una d'as arias de millor cultura en toda a comarca de Sobrarbe. Manimenos, con a construcción de l'entibo de Mediano en 1969 se cacegó buena cosa d'as fincas, y con mas importancia, a capital municipal que yera Mediano.

Tenió un municipio propio dende 1834 «Mediano» en a subpachina «Alteraciones de los municipios en los Censos de Población desde 1842» d'o Instituto Nacional de Estadística, consultada o 28 de chinero de 2011 dica o periodo intercensal 1842-1857, cuan que s'achuntó con o municipio de Mediano. Dende a decada de 1970, Sant Mitier, Mediano y Arasanz fan parte d'o municipio de A Fueva.

Urbanistica O casar de Sant Mitier se troba en fendo costera por as garras d'o tozal homonimo, con bellas casas desalpartadas que tansament guardan garra estructura urbana. A plaza d'o lugar ye chicorrona, situada en chunto a la nau d'a ilesia de Sant Miguel Arcánchel, d'o sieglo XVII «Samitier» en a pachina oficial de l'achuntamiento d'A Fueva; consultada o 28 de chinero de 2011. y que no tiene campanal. En a plaza se troba a emblematica fuent con calavreras.

Un d'os elementos mas visibles que se troba en as inmediacions de lugar ye a torre d'a ilesia antiga, que posiblement teneba estilo romanico y que fue destruida. A torre, que ye a sola parte d'ixa ilesia que s'ha puesto guardar, ni an atamas de trobar-se difuera d'o casar (en una era en a part baixa d'o lugar, por alto d'a carretera A-138) s'ha quiesto fer funcionar ta campanal ta la ilesia de Sant Miguel, que sí que ye bels metros ta lalto, en o casco urbano.

Historia medieval

As oríchens historicas de Sant Mitier cal mirar-las en a Edat Meya, y se troban estretament relacionadas con os Castiellos de Sant Mitier, que coronan o cuitiello d'o tozal.

Os castiellos (en verdat no en i hai si que uno, l'altro ye una torre albarrana exenta y a demés i hai una ermita) son reconstruccions cristianas sobre una obra anterior d'epoca musulmana (y no purament cristianos, como bellas vegadas s'heba quiesto creyer), feitos en o sieglo XI. Páchina web amateur sobre Sant Mitier; consultada o 28 de chinero de 2011. S'ha puesto documentar que se trobaban baixo dominación de Sancho lo Mayor cara ta 1030, «Castillo de Samitier» en a pachina oficial de l'achuntamiento d'A Fueva; consultada o 28 de chinero de 2011. y se conoix que no se movión ya de mans cristianas en os reinaus posteriors.

O nombre de Sant Mitier dimana probablement de l'advocación de a ilesia (actualment ermita) que teneba o conchunto defensivo. Por a importancia estratechica d'o conchunto d'os castiellos, se'n troba constancia documental como «Sant Emeteri» en a Cronica de Sant Chuan de la Penya (s. XIV). Tamién amaneix con a denominación «Sancto Meterio», latinizada exprofés, en belaltro documento medieval, y como «Sanmitier» (forma previa a la castellanización «Samitier») a partir d'o sieglo XVI. A denominación «Sant Mitier» tamién s'ha trobau en textos aragoneses d'a baixa Edat Meya.

Imáchens

Demografía

Fiestas

17 de chinero, fiesta d'hibierno fendo-le honras a Sant Antón Abat. «Fiestas» en a pachina oficial de l'achuntamiento d'A Fueva; consultada o 28 de chinero de 2011. Domingo mas aman de o 17 de chinero, primera romería ta la ermita de Sant Antón. Domingo mas aman de o 3 de marzo, romería ta la ermita de Sant Mitier y Sant Celedonio. 13 de chunio, segunda romería ta la ermita de Sant Antón. 15 d'agosto, Fiesta Mayor fendo-le honras a la virchen d'agosto.

Se veiga tamién Entremont (desambigación). Ermita de Sant Mitier y Sant Celedonio. Castiello de Sant Mitier.

Referencias

Vinclos externos

*