Asín de Broto ye un lugar d'o municipio de Broto, en a boca baixa d'a valle de Broto, a l'alto d'a garralica d'a sierra d'as Coronas que baixa enta o recolón de Bollars, debant d'a boca d'o barranco d'os Forcos.
O nuclio teniore a suya mes gran expansión en o sieglo XVI, cuan amés gran parte d'a valle s'adedicaba a la industria d'o filache. D'ixa epoca ye Casa Carbonero, una d'as casas mes adestacables d'o lugar, y Casa d'o Notario, actualment reestructurada como a fonda ta o turismo, pero que yera una casa sinyorial en ixa epoca, poquet desalpartata d'a resta d'os casaches. Casa Carbonero y casa Notario tienen escudos infanzons en as fronteras suyas.
A ilesia d'o lugar (consagrata a la Virchen de l'Asumpción) teniore a suya primera fase constructiva en o sieglo XII, encara que as enamplacions posteriors (sieglo XVII) en rematoron a estructura actual. O esconchurador que'n fa dentrata estiore tamién reformato d'ixa epoca y tien una vuelta ochival interior que en fa suchiestos os oríchens goticos, con planta rectanglar per cuentas d'a una habitual que sía escuairata, constetuye asinas a construcción mes singular d'o lugar.
Toponimia O component Asín d'o toponimo deriva d'una composición en latín feita con un substantivo ya desapareixiu seguiu d'un chenitivo ASINIĪ ("de l'asno"), que quedó fosilizau Paul M. Lloyd: From Latin to Spanish: Historical phonology and morphology of the Spanish language. American Philosophical Society, 1987 - pp 276-278..
Molimentos Ilesia de Sant Bertolomeu d'Asín de Broto, una ilesia adedicada a Sant Bertolomeu, que ye la ilesia parroquial d'o lugar. Parroquias del Arciprestazgo de Biescas en o sitio web d'a Diocesi de Chaca.
Fiestas 4 de mayo, romería enta a ermita de Sant Mamés. 24 d'agosto, Fiesta Mayor fendo honor ta Sant Bertolomeu.
Referencias
Vinclos externos
Asín de Broto
Categoría:Lugars de Broto Categoría:Entidaz locals menors d'Aragón Asin de Broto Categoría:Localidaz d'a diocesi de Chaca en Sobrarbe