A loncha de Zaragoza ye un edificio civil d'estilo renaixentista aragonés construiu en a primera metat d'o sieglo XVI en Zaragoza (1541-1551) como que recinto destinau a actividaz economicas. Guillermo Fatás (coord.) Guía histórico-artística de Zaragoza, Concello de Zaragoza, 1991, , p.207 Hue ye sala d'exposicions d'o Concello.
L'arquitecto u mayestro d'obras d'a loncha estió Chuan de Sarinyena, encargau d'ixo por iniciativa d'o Concello d'a ciudat y patrocinau por l'arcebispe d'a ciudat, Ferrán d'Aragón.
Se tracta de l'edificio plenament renaixentista mas important d'Aragón. Tamién estió o primer en adoptar iste estilo, con influencia d'o palacio florentín d'o quattrocento italiano, encara que con os matices d'o mudéchar aragonés que podemos observar en a decoración de retratos de cheso policromau.
O suyo material constructivo ye o ladriello, o que ye habitual en l'arquitectura aragonesa, an no ye considerau como material pobra gracias a l'influxo de l'arte islamico (que podemos observar en l'Alchafaría) y en o mudéchar.
De planta rectangular, s'estructura en as suyas fronteras en tres altarias, que con tot y con ixo no reflectan o suyo volumen interior, d'un piso solenco, mas una falsa que serviba d'almagacén d'armas. En altura i hai una galería de arcos de meyo punto.
Referencias
Categoría:Biens d'Intrés Cultural d'a Comarca Central Categoría:Edificios de Zaragoza Zaragoza