Holger Louis Nielsen, conoixito esportivament como Holger Nielsen, naixito de Copenaguen o 18 d'aviento de 1866 y muerto en Hellerup o 26 de chinero de 1955 fue un profesor y poliesportista danés que partecipó en tiro, esgrima y atletismo en os Chuegos Olimpicos de 1896 celebraus en Atenas tamién yera inscrito en 3 prebas de natación pero se creye que no partecipó en garra preba.
Anque en atros ambitos ye mas conoixito por establir as primeras reglas d'o balonmán moderno en 1898 y o desarrollo d'una tecnica de reanimación cardiopolmonar que estió substituyida en 1955 por l'actual boca a boca.
Chuegos Olimpicos En os chuegos consiguió un total de tres medalla, una d'archent y una de bronce en tiro y unatra de bronce en esgrima, en atletismo partecipó en a preba de tirada de disco consiguiendo una setena o ueitena posición con una marca desconoixita, tamién yera inscrito en a tirada de peso y tres prebas de natación pero se creye que no partecipó en garra d'ellas. Participación olimpica de Holger Nielsen
Atras actividaz miniaturadeimagen|Metodo Holger Nielsen Fue profesor en una escuela y cuan o director de ixa escuela prohibió a os alumnos patear a pilota en o patio desembolicó un chuego ta chugar con as mans, establindo as primeras reglas de l'actual balonmán, Nielsen publicó istas reglas en o libro Vejledning i håndbold en 1906.
Cal destacar o suyo interes por toz os esports y a empenta ta encetar a federación Danesa de Chimnasia y l'Asociación Danesa de Natación d'as que fue cofundador.
Tamién ideó y desembolicó en l'anyo 1932 o metodo Holger Nielsen una tecnica de reanimación de personas ofegatas que yera a recomendata por as autoridaz sanitarias dende 1932 dica 1951 cuan estió substituyida por l'actual tecnica conoixita como boca a boca.
Bibliografía Nielsen, Holger. Vejledning i håndbold , 1906.
Referencias
Categoría:Naixius de Copenaguen Categoría:Atletas de Dinamarca en os Chuegos Olimpicos de 1896 Categoría:1866 (naixencias) Categoría:1955 (muertes)