Mary Henrietta Kingsley, naixita de Londres (Reino Uniu) lo 13 d'otubre de 1862, yera una exploradora y escritora que os suyos viaches por Africa Occidental y o treballo resultant aduyoron a moldiar as percepcions europeas d'as culturas africanas y l'imperialismo britanico.
A investigación de campo de Kingsley aportó muita información sobre a forma de vida d'os africanos occidentals en Europa en o decenio de 1890, utilizando o que alavez yeran metodos de treballo etnolochicos relativament nuevos. En fer-lo, entendió que o suyo treballo yera completament politico: argumentó contra a noción prevaleciente en Europa y America en ixe inte que os negros yeran "primitivos" y que Europa heba de "civilizar" Africa. Partis d'o suyo treballo son pro contradictorias; por o que nunca cuestionó a ideolochía d'a supremacía blanca y l'imperialismo europeu expansivo. A o mesmo tiempo, a suya voluntat de comprender a os africanos sobre a base d'os nuevos metodos d'investigación d'a epoca, sobre tot a traviés d'o suyo estilo narrativo animau, tamién contribuyó a una imachen mas diferenciada d'a chent d'Africa occidental en Anglaterra.
A importancia politica de Kingsley se veye de dos trazas: estió una parti activa en o colonialismo britanico; a o mesmo tiempo, o suyo sincero intrés tamién estió apreciau por a población indichena. No tenió influxo directa en a politica colonial britanica; Manimenos, o suyo treballo ye visto indirectament por os investigadors como que una d'as bases d'as actividaz posteriors de criticos d'o colonialismo como Edmund Dene Morel, a qui a propia Kingsley se refirió como que o suyo "mentor". Bernard Porter: Critics of Empire. British Radical Attitudes to Colonialism in Africa 1895-1914, Macmillan, 1968, p. 256
Obras Travels in West Africa, Macmillan, 1897. West African Studies, Macmillan, 1899. The Story of West Africa, Horace Marshall, 1900. Notes on Sports and Travel, Macmillan, 1900.
Referencias
Categoría:Escritors d'Anglaterra Categoría:Escritors en anglés Categoría:Muertos en o Cabo Occidental Categoría:Naixius de Londres Categoría:1862 (naixencias) Categoría:1900 (muertes)