Lo morrón d'Albas (morrón d'Anadón en castellano) ye un angle prominent y vistable de la muela d'Anadón situau en lo suyo cabo nordoriental, en lo termin municipal d'Anadón (Teruel).
Lo morrón d'Albas ye despartiu de la resta de la muela por un cuello a on que se troba lo corral de Mirambueno y tiene lo suyo cabalto en una penya de 1247 metros d'altaria (La Molatiella), con un vértiz cheodesico.
Toponimia L'oronimo morrón d'Albas fa referencia a los cinglos y penyas de calsinera blanca de la muela d'Anadón. D'acuerdo con Francisco Marsá Gómez los toponimos con l'elemento albo son anteriors a la cheneralización de l'adchectivo blanco en lo sieglo XIII, que ye lo que se troba en los toponimos tipicos de reconquiesta. Agustín Ventura Conejero: Toponimia de la provincia de Teruel. Revista Teruel, nº 48, 1972. p 227, p 236, p 237, p 240. La presencia de l'elemento arcaico ALBUS en Albas s'explica porque la reconquiesta de la redolada d'Anadón s'heba produciu bel sieglo antes igual como en Mont Albán.
A primers de lo sieglo XVII lo portugués João Baptista Labanha fizo mención d'Alvas en lo suyo libro "Itinerario del Reyno de Aragón (1610-1611)":
Este micropononimo tiene relación con Collados de Albas, que se documenta en textos de lo sieglo XV escitos en Muniesa pero relacionaus con Anadón. Guillemo Iturbe Polo, Isabel Lorenzo Magallón: El siglo XV en Muniesa y su entorno (1367-1503). Centro de Estudios Miguel de Molinos.
Referencias
Vinclos externos Fuella de lo vértiz cheodesico de La Molatiella.
Albas Albas Albas Albas Albas Albas Categoría:Montanyas d'as Cuencas Meneras