O guirlache ye un lamín feito basicament de almendras y carambelo solidificau tipico en os países de l'antigua Corona d'Aragón: Aragón, Catalunya y o País Valenciano.
Historia Asociau a os turrons, que tienen un orichen arabe y medieval, ye muit parellano a o nougat provenzal, un lamín feito con nueces u almendras y miel. O suyo nombre procede d'o francés "grillage" (turrau) y fue popularizau por os franceses en a Corona d'Aragón a partir d'o sieglo XIX.
Elaboración Encara que como en muitas recetas tradicionals muit estendilladas pueden trobar-se variacions locals, a suya preparación basica consiste en fundir zucre con agua dica formar una pasta de carambelo a la que s'adhiben almendras. En atras recetas s'indica que en iste inte tamién se i fique una mica de suco de limón y una mica de miel u bien se puet sustituyir o zucre dreitament por a miel. Dimpués de rechirar-lo en a sartaina mientres bels menutos s'estendilla sobre una superficie antiadherent u en un molde apropiau y se'n deixa enfriar. S'ha de minchar fredo.
Consumo O guirlache s'usa tanto como dulce nadalenco u de tot l'anyo asinas como pa realizar construccions sobre tartas u d'ingredient en atros postres. Debiu a la suya composición resulta un alimento hipercalorico, con muitas propiedaz positivas pero desaconsellau en caso de padeixer bels trestuques u malautías como diabetes, restrenyimiento u obesidat.
Ingredients thumb|250px|Pasta de guirlache Una parti de zucre. Entre meya y una parti d'almendras. Pueden emplegar-se atros fruitos secos como pinyons, abellanas u cascagüez.
Opcionalment:
Augua pa fer o carambelo si bi ha periglo de cremar o zucre. Miel pa adhibir u sustituyir a o carambelo. Suco de limón. Anises de confitería. Chicolate fundiu pa adornar u cubrir.
Se veiga tamién Crocant. Turrón.
Vinclos externos Receta de guirlache de Zaragoza Receta de turrón de guirlache Receta de guirlache d'Alcoy
Categoría:Gastronomía d'Aragón Categoría:Gastronomía de Catalunya Categoría:Gastronomía nadalenca Categoría:Lamins