The Martian (títol orichinal en anglés, estrenada en Aragón con o títol en castellano de Marte (The Martian) Marte: Operación Rescate cambia su título en España… a peor, en Hipertextual.com.) ye una cinta de cine estausunidense de cine de ciencia-ficción de l'anyo 2015, dirichida por Ridley Scott y producida por Simon Kinberg, Ridley Scott, Michael Schaefer y Mark Huffam con guión de Drew Goddard, protagonizada por Matt Damon, Jessica Chastain, Kristen Wiig, Jeff Daniels, Michael Peña, Kate Mara, Sean Bean, Sebastian Stan, Aksel Hennie y Chiwetel Ejiofor.
Drew Goddard adaptó o guión de The Martian, una novela de 2011 d'Andy Weir. A cinta amuestra a luita solitaria d'un astronauta (Matt Damon) por sobrevivir en Marte dimpués d'haber estau deixau dezaga, y os esfuerzos d'a NASA pa rescatar-lo y trayer-lo de tornada a la Tierra.
Producida a traviés de 20th Century Fox, a cinta ye una coproducción d'o Reino Uniu y Estaus Unius. O productor Simon Kinberg prencipió a desarrollar a cinta dimpués de que Fox optara por a novela en marzo de 2013, que Drew Goddard adaptó en un guión y inicialment s'adchuntó pa endrezar, pero a cinta no abanzó. Scott reemplazó a Goddard como director, y con Damon como personache prencipal, a producción estió aprebada. O rodache prencipió en noviembre de 2014 y duró bels setanta días. Se construyioron vinte sets en uno d'os escenarios de sonito mas grans d'o mundo en Budapest, Hongría. Wadi Rum en Chordania tamién se fazió servir pa filmacions exteriors.
A cinta s'estrenó en o Festival Internacional de Cine de Toronto de 2015 o 11 de setiembre de 2015, entre que l'estreno en Londres se levó a cabo o 24 de setiembre de 2015. A cinta s'estrenó en o Reino Uniu o 30 de setiembre de 2015 y en os Estaus Unius o 2 d'octubre de 2015 en 2D, 3D, IMAX 3D y 4DX. Recibió criticas positivas y replegó mas de $ 630 millons en tot o mundo, convertindo-se en a cinta mas taquillera de Scott dica a calendata, asinas como a decena cinta mas taquillera de 2015. The Martian recibió elochios por a suya adreza, efectos visuals, partitura musical, guión, precisión y simpatía, en gran parti a causa de l'actuación de Damon. Recibió cuantos elochios, incluiu o Globo d'Oro a la Millor Cinta - Musical u Comedia, siet nominacions en os 88 Premios Oscar de l'Academia, incluindo Millor Cinta y Millor Guión Adaptau pa Goddard, y o Premio Hugo de 2016 a la Millor Presentación Dramatica. Damon ganó o Globo d'Oro a lo Millor Actor - Cinta Musical u Comedia y estió nominau a cuantos premios, incluiu o Premio Oscar de l'Academia a lo Millor Actor, o Premio BAFTA a lo Millor Actor en un Paper Protagonista y o Premio Critics 'Choice a lo Millor Actor.
Reparto Matt Damon como Mark Watney. Jessica Chastain como Melissa Lewis. Kristen Wiig como Annie Montrose. Jeff Daniels como Theodore "Teddy" Sanders. Michael Peña como Rick Martinez. Sean Bean como Mitch Henderson. Kate Mara como Beth Johanssen. Sebastian Stan como Dr. Chris Beck. Aksel Hennie como Dr. Alex Vogel. Mackenzie Davis como Mindy Park. Benedict Wong como Bruce Ng. Donald Glover como Rich Purnell. Chen Shu como Zhu Tao. Eddy Ko como Guo Ming . Chiwetel Ejiofor como Vincent Kapoor.
Se veiga tamién Cine en 2015. Cintas de 2015.
Referencias
Categoría:Cintas con banda sonora orichinal de Harry Gregson-Williams Categoría:Cintas con dirección de fotografía de Dariusz Wolski Categoría:Cintas con guión de Drew Goddard Categoría:Cintas con montache de Pietro Scalia Categoría:Cintas d'Estaus Unius Categoría:Cintas de cine de ciencia-ficción Categoría:Cintas en anglés Categoría:Cintas producidas por Mark Huffam Categoría:Cintas producidas por Michael Schaefer Categoría:Cintas producidas por Ridley Scott Categoría:Cintas producidas por Simon Kinberg