Iste articlo tracta sobre A Torre, que ye un lugar d'o municipio de l'Aínsa-Sobrarbe. Ta altros usos d'o toponimo «A Torre» se veiga A Torre (desambigación), y ta l'apellido se veiga Apellito Latorre.
A Torre TOMÁS ARIAS, Chabier. El aragonés del Biello Sobrarbe. Instituto de Estudios Altoaragoneses. Uesca, 1999. (oficialment, en castellano, «Latorre» «Latorre» en a subpachina «Relación de unidades poblacionales» d'o Insituto Nacional de Estadística; consultada o 27 de chulio de 2011.) ye una aldeya d'o municipio de l'Aínsa-Sobrarbe, en a provincia de Uesca y en a comarca de Sobrarbe. A suya población ye de 4 habitants (2018).
A Torre ye una aldeya tradicional de Castillón de Sobrarbe, d'a on que dista bel kilometro y meyo. En chunto con a Pardina y con Castillón formaban l'achuntamiento de Castillón de Sobrarbe, que desapareixió absorvido por o municipio de l'Aínsa en a decada de 1960. «Castejón de Sobrarbe» en a subpachina «Alteraciones de los municipios en los Censos de Población desde 1842» d'o Instituto Nacional de Estadística, consultada o 27 de chulio de 2011
Cheografía
A Torre de troba a 560 metros d'altaria sobre o nivel d'a mar, «La Torre» en a web oficial de l'acuntamiento de l'Aínsa-Sobrarbe; consultada o 27 de chulio de 2011. en un sarrato, plano por alto, que s'adintra en a valle d'o Susía, tot forzando a'l río a fer un recolón por debaixo de lugar.
Se troba en o sud de o gran termino municipal de l'Aínsa-Sobrarbe, cuasi en a muga con o termino de l'Abizanda, y confronta en a valle d'o Susía con Lamata (sud-sud-este) y Chabierre d'o Elsón (sud), en a cuentra d'o río.
Por debaixo d'as casas de a Torre i esnaviesa un barranco que se diz de Talavera, afluent d'o río Susía, que confluye con ixe chusto a ran de a Torre. Por a suya posición, en a valle d'o río Susía, a Torre fa parte efectiva d'a subcomarca tradicional que se conoix como o Viello Sobrarbe.
L'aldeya ye en o camín (actual pista asfaltada) que comunica Castillón de Sobrarbe con Mediano. Por tanto, tiene comunicación directa con a carretera autonomica A-138 (Balbastro-l'Aínsa-Bielsa), d'a on que a pista local ranca sinyalizada en o lateral. Ye a 1.000 metros escasos dimpuesas de a Pardina, en puyando por a dita carretereta, y a bel kilometro y meyo d'antes d'arribar ta Castillón.
Demografía
Monimentos thumb|right|250px|A ilesia de Sant Chusé, d'o sieglo XVI, y de fundo a valle d'o Susía y a sierra de l'Entremont. O monimento principal en a Torre ye a suya ilesia, consagrada a l'advocación de Sant Chusé, patrón de lugar. Ye un edificio d'o sieglo XVI, que guarda parez meyanils con un casal fuerte que actualment ye espaldau. A torre que a dita casa teneba ta defensa fizo a función de campanal ta la ilesia.
Adebant d'a ilesia i ha o crucero d'a Torre, declarau Bien d'Intrés Cultural (codigo SIPCA 1-INM-HUE-003-907-214). O crucero, a ilesia y as enrunas d'aquel casal fuerte son en un barrio deseparau bels 100 m d'a on que en l'actualidat son a mayoría d'as casas de l'aldeya, que forman unatro barrio en a cuentra d'a carretera de Castillón.
En ixe segundo barrio ye a on ye a plaza d'a localidat, y a cruz de suelo d'a Torre, a cruz de suelo d'a localidat, que tamién ye declarada Bien d'Intrés Cultural (SIPCA 1-INM-HUE-003-907-360).
Fiestas 19 de marzo, Fiesta Mayor, fendo-le honras a Sant Chusé. 28 de mayo, romería ta la ermita de Santa Waldesca. «Calendario festivo» en a pachina oficial d'a Comarca de Sobrarbe; consultada o 27 de chulio de 2011. 13 d'agosto, romería ta la ermita de Sant Póliz, en Castillón.
Referencias
Vinclos externos
Categoría:Lugars de l'Aínsa-Sobrarbe Categoría:Localidaz d'Aragón con fiestas patronals ta sant Chusé Categoría:Localidaz d'a diocesi de Uesca en Sobrarbe