A ilesia de Sant Valero de Zaragoza ye una ilesia que se troba en Zaragoza (Comarca Central, Aragón). Ilesia de Sant Valero en Zaragozaguia.com Ye una ilesia d'estilo neomedieval construyida en os anyos 1942-1945 en o barrio d'as Delicias. Ista ilesia ye adedicada a o bispe y patrón d'a ciudat de Zaragoza, sant Valero.
Historia Os oríchens d'ista parroquia s'han de trobar en l'anyo 1925, por ixas envueltas una capiella ocupaba un puesto en a carrera Don Alonso d'Aragón. L'actual ilesia la prochecta l'arquitecto Regino Borobio en 1927, encara que no se construyiría dica rematada a guerra civil. En ixos mesmos anyos 20 dito arquitecto prochectaría tamién en Zaragoza as ilesias d'o Sagrau Corazón y a de Sant Chuan Baptista d'o barrio de Sant Chuan de Mozarrifar.
Descripción Ye una estructura sobria d'una sola torre, d'estilo neogotico y construyiu en ladriello fendo referencia a l'arquitectura mudéchar. O suyo tellau ye de versant a dos auguas con un alero formau de ladriellos que fan tamién función decorativa. Sobre l'alero d'a portalada i hay un rosetón situau entre contrafuertes.
O suyo interior ye amplo y formau por una sola nau de cuatre trampos cubiertos por una vuelta de crucería radial, con niervols que s'unen en o candaliello y un abside poligonal de siet cantos. I hai tres capiellas en cada canto con arcos de tipo escarzano.
Entre a decoración interior destaca l'altar mayor, obra d'os chirmans Albareda y situau en o centro d'o presbiterio. Se divide en tres cuerpos y conta con esculturas de sant Valero y d'a Virchen d'o Pilar. Atras capiellas destacables son a d'o Santo Cristo, con un retablo gotico en que se representan a sant Chuan Baptista y sant Miguel Arcánchel, asinas como escenas d'a pasión y crucifixión de Cristo u a capilla d'o Sagrau Corazón de Chesús, adedicada a sant Simón y sant Chudas Tadeu y restaurada por os chirmans Albareda.
Referencias
Vinclos externos San Valero: el patrón aguarda en Delicias Ilesia de Sant Valero en Zaragoza.Arquitectura.Siglo XX Ficha en gcatholic.org
Valero Valero de Zaragoza Valero de Zaragoza Valero de Zaragoza Valero de Zaragoza Zaragoza Valero de Zaragoza