Iste articlo tracta sobre o lugar d'Ainielle. Ta atros emplegos d'o toponimo «Ainielle» se veiga Ainielle (desambigación).
Ainielle ye un chicot lugar situato en o Sobrepuerto a mán ya de Sobrarbe. Anque perteneixe a lo municipio de Biescas d'antis mas yera ligato a lo concello de Barbenuta chunto a Espierre, y Bergusa. Catálogo de pueblos y municipios de Aragón. Estadística de población y nomenclaturas toponímicas entre 1900 y 2004 (PDF), Gubierno d'Aragón, 2005, , p.8 Con una altaria de 1.355 ye uno d'os lugars mas altos d'o Pireneu.
Hue ye albandonato y bi ha solo que as ruinas de siet casas y una ilesia. Tamién destacan as restas d'un molín de farina d'o sieglo XVIII. Yera dividito en dos vicos. Tradicionalment as casas d'Ainielle yeran Casa O Rufo, Casa Ambrosio, Casa Usieto, Casa Escartino, Casa Juan, Casa Botero, Casa Franco, Casa Pardo, Casa Bergua y Casa Juan Antonio.
Ainielle estió albandonato en l'anyo 1960, anque José d'o Rufo, un hombre mayor y viudo estió encara o zaguer habitant d'o lugar dica l'anyo 1971 cuan tamién o deixó.
O lugar s'ha feito muit conoixito gracias a la novela de Julio Llamazares A plebia amariella an recenta a historia d'o zaguer habitador d'Ainielle.
Ainielle se troba en as garras occidentals d'o sarrato que en atros lugars de Sobrepuerto en dicen sarrato d'Ainielle. Iste sarrato fa de divisoria d'auguas entre a cuenca hidrolochica d'o río Galligo y a de l'Ara, por a part de Sobrepuerto, y o barranco que naixe aman d'o lugar, o barranco d'Ainielle, ye afluent directo d'o barranco d'Oliván. O sarrato d'Ainielle ye una extensión d'a sierra d'Erata, un d'os macizos que delimitan o Sobrepuerto, y yera a muga historica que despartiba o condau d'Aragón y o Sobrarbe SATUÉ OLIVÁN, Enrique. Ainielle, la memoria amarilla. Ed. PRAMES. Zaragoza, 2003. , coincidindo con as mugas actuals d'as comarcas de l'Alto Galligo y Sobrarbe.
Toponimia En o Libro del Reparo del General de 1489-1491 s'escribe Ainiello.
Se creye que lo nombre d'Ainielle podría estar relacionau con l'antroponimo latino Agenius. Jesús Vázquez Obrador Nombres de lugar de Sobrepuerto: análisis lingüístico, Instituto de Estudios Altoaragoneses, 2002, , p.30
Historia I hai constancia d'a suya primera mención en 1062. UBIETO ARTETA, Antonio: Historia de Aragón. Los pueblos y los despoblados I, Ed. Anubar, Zaragoza, 1984, ISBN 978-8470132087, p.39
Demografía
Molimentos Ilesia de Sant Chuan Evanchelista d'Ainielle, una ilesia adedicada a Sant Chuan Evanchelista, que ye la ilesia parroquial d'o lugar. Parroquias del Arciprestazgo de Biescas en o sitio web d'a Diocesi de Chaca.
Referencias
Categoría:Lugars de Biescas Categoría:Lugars d'a provincia de Uesca Categoría:Despoblaus d'a provincia de Uesca Categoría:Lugars de Sobrepuerto Categoría:Localidaz d'a diocesi de Chaca en l'Alto Galligo