Lo franco ripuario (Ripoarisch en ripuario, Ripuarisch en alemán) ye lo sistema dialectal de l'alto alemán formato per las variedaz de l'alemán central mes occidentals.
Filiación lingüistica Lo franco ripuario s'incluye en os sistemas d'o franco meyo de l'alemán central y forma un grupo común con o franco moselán y lo franco renano.
Aspectos socioculturals Situación cheografica Lo suyo territorio s'extiende principalment per lo Land alemán de Renania d'o Norte-Westfalia, con cualques influencias menors a lo norte d'o Land de Renania-Palatinato, l'aria d'Eupen a la Belchica oriental, y per bels municipios a lo sud d'o Limburgo neerlandés. Las suyas buegas aproximatas son: per lo norte, la linia de Benrath, que sinyala la raya tradicional entre lo baixo alemán y l'alemán central; per lo sud, la buega entre los Länder alemans de Renania d'o Norte-Westfalia y Renania-Palatinato; per l'ueste, l'aria entre Eupen y Aquisgrán; per l'este, la redoldanza d'o lugar de Siegen.
Variación diatopica
Las variedaz que conforman lo ripuario a ormino s'autodenominan Platt: Öcher Platt (ripuario d'Aquisgrán), Bönnsch Platt (ripuario de Bonn), Düsseldorfer Platt (ripuario de Düsseldorf), etcetera.
D'entre totas las variedaz, una d'as mes conoixitas ye lo ripuario de Colonia, lo Kölsch.
Categoría:Luengas altochermanicas centrals Categoría:Luengas d'Alemanya