As Corz de Monzón de 1512-1514 estioron unas Corz Chenerals d'Aragón que fuoron convocadas por Ferrando II d'Aragón y presididas por a reina Chermana de Foix, qui habió de churar primero os fueros, costumbres y privilechios d'o reino d'Aragón y os usos, constitucions, capítols y actos de cort d'o prencipau de Catalunya y d'os condatos de Rosellón y Cerdanya. Heban estau convocadas a tiempo pa l'inicio d'a guerra contra o reino de Navarra y se celebroron entre o 5 de chunio y o 2 de setiembre de 1512. Continarán como Corz particulars d'Aragón dica 1514.
Sobre l'aportación de recursos pa la guerra, as corz d'Aragón decidioron aportar 200 hombres d'armas y 300 chinetes entre tres anyos.
Encara que estioron unas corz chenerals breus, s'aconsiguioron zarrar bels temas pendients dende feba anyos. Entre atros, se reformó a Reyal Audiencia pasando de ueito a doce churistas; se limitó l'acción d'a Inquisición a cuestions de fe sin que invadise competencias d'a Deputación d'o Cheneral; s'incrementó lo control sobre las cuentas d'a Cheneralidat y se tractó sobre l'incremento d'o bandolerismo.
S'obtenió lo compromiso d'o rei pa limitar l'acción d'a inquisición a la situación anterior a 1482 —, cuan lo inquisidor episcopal actuaba seguntes lo dreito canonico— ya que amenistaba de l'emparo d'as Corz pa la conquiesta d'o reino de Navarra. Pero a l'anyo siguient, una vegada conqueriu lo reino navarro, lo rei obtenió una bula d'o papa Chulio II liberando-lo d'ixe churamento.
Referencias
Vinclos externos Actas d'as Corz de Monzón de 1512-1514
Monzón 1512-1514 Monzón 1512-1514 Monzón 1512-1514 Monzón 1512-1514 Categoría:Corz d'o Reino d'Aragón celebradas en Monzón 1512-1514 Categoría:1512 Categoría:1513 Categoría:1514