Belfort (en franco-contés Béfoûe, en alemán Beffert u Beffort) ye una localidat y comuna francesa, capital d'o departamento de Territorio de Belfort, en a rechión de Borgonya-Franco Condau.
Historicament, fa parti de l'Alta Alsacia, subdivisión d'a provincia historica d'Alsacia que corresponde a os actuals departamentos de l'Alto Rin, o Baixo Rin y o Territorio de Belfort asinas como a o territorio de Landau en Alemanya. A ciudad siempre ha feito parti d'o espacio lingüistico francofono. Dimpués de l'anexión d'Alsacia-Lorena de 1871 ta 1918 por l'Imperio Alemán, l'actual Territorio de Belfort, unica parti d'Alsacia que no fue anexionada, permaneixió deseparau y accedió a o estatuto de departamento en 1922.
O decreto de 2 de chunio de 1960 relativo a l'armonización d'as circumscripcions administrativas lo vincla a la rechión d'o Franco Condau y no a la rechión d'Alsacia, decisión confirmada en 1982 con as leis sobre a descentralización que atorgan a las rechions francesas o estatuto de colectividatz territorials.
Demografía
Vinclos externos
Pachina web de la Villa de Belfort
Categoría:Localidaz d'o Territorio de Belfort