A tabaquera Rafel Vidaller Tricas: Libro de As Matas y Os Animals; Dizionario aragonés d'espezies animals y bechetals, Edicions Val d'Onsera, 2004, , p.74. u tabaco ( (Linnaeus) http://legacy.tropicos.org/Name/29603382) ye una especie de planta d'a orden d'os Solanales y familia Solanaceae. Ye una planta d'1 a 3 metros d'altaria con fuellas de dica 50 cm de largaria y de forma eliptica. A tabaquera ye nativa d'America tropical y subtropical, a on ya yera conoixida, cautivada y emplegada por os indichenas antis d'a conquiesta espanyola, que estendilló o suyo consumo y producción arredol d'o mundo. Actualment ye cautivada en rechions de clima tropical y en rechions de clima templau.
Se creye que ye un hibrido de Nicotiana sylvestris, Nicotiana tomentosiformis y posiblement Nicotiana otophora.
Todas as partis d'a planta contienen nicotina, que se puede extrayer y fer servir como insecticida. Tamién se pueden fer servir as suyas fuellas ixutas; siguen estando efectivos mientres 6 meses dimpués de l'ixecau. Lo suco d'as fuellas se puede estregar en o cuerpo como repelent d'insectos.
As fuellas se pueden ixucar y mascar como intoxicant. As fuellas ixutas tamién se fuman. Ista ye a prencipal especie que se fa servir pa fer fumarros, puros y atros productos pa fumadors.
Cautivo y producción Expertos en vechetals han determinau que l'orichen d'o cautivo de tabaco se sitúa en a zona andina entre Perú, Ecuador y Colombia y los primers cautivos habioron de realizar-se mientres os anyos 5.000 y 3.000 aC.
Fue conoixiu per os europeus en 1492 con ocasión d'a plegada de Cristofo Colombo a o Caribe en o suyo primer viache, seguntes un relato d'o cronista Bartolomé de las Casas.Las Casas, Historia de Indias, Vol.1 p.376-7 En una obra anterior, l'Apologética Historia Sumaria de 1527, Las Casas tamién o cita.(Las Casas, Apologética, p. 181) Os primers cautivos de tabaco realizaus per espanyols existiban enta 1530 en o territorio d'a isla Hispaniola a la cual levoron la simient dende a peninsula de Yucatán a on aprendioron os procedimientos de cautivo y curación d'os Mayas. Historia del Tabaco.
Encara que dinantes ya s'heba levau a Espanya y Europa tabaco ixugau, procesau y eixemplars vivos, no estió dica que en 1577 per orden de Felipe I o medico y botanico Francisco Hernández de Boncalo levó as primeras simients de tabaco a Espanya. Fuoron plantadas en a redolada de Toledo, en una zona clamada los Cigarrales perque gosaban estar invadidas per plagas de cigarra. Allí s'encetó lo cautivo de tabaco en Europa y per este motivo, cualques historiadors asocian o nombre d'o cigarro con estas fincas.
Se veiga tamién Tabaco.
Referencias
Vinclos externos
Categoría:Flora d'America Tabacum Categoría:Tabaco Categoría:Taxons nombraus por Carl Linnaeus