Au d'astí! ye un grupo de musica punk y oi! aragonés contemporanio que canta en aragonés y castellano. Tamién han feito bella canción en catalán. A sobén resumen a suya musica con a expresión rock trabucaire. Reivindican a cultura aragonesa, l'anticapitalismo y a ruralidat. En particular, esfensan a luenga aragonesa y pareixe que son os unicos dica agora en cantar en a variedat ribagorçana. Au D'asti: “Estamos aquí, vamos a luchar por lo nuestro y a hacernos oír”. AraInfo. 30 de chunio de 2022.
O grupo ye formau por Manu González, vocalista y compositor, que antis feba parti d'a banda Verbo; Daniel Ferrer y Aleix Almuzara como guitarristas; Daniel Castarlenas en a batería, que tamién veniba de Verbo, y Diego Bronchal de baixista. Provienen de l'ambito rural d'as comarcas aragonesas de Litera, Cinca Meya y Semontano de Balbastro. Au d'astí: De pueblo, con mensaje y sin complejos. Somos Litera Radio. Chulio de 2022
Una d'as influyencias mas importants d'a formación ye Kortatu. Tamién lo son os grupos aragoneses Los Segis, Azero, Ixo Rai! y La Ronda de Boltaña; y os bascos Rotten XIII, Brigade Loco, Kaleko Urdangak y Arkada Social. Tamién s'han inspirau en grupos de parla catalana como Los Draps, Obrint Pas u Crim de Tarragona.
O suyo nombre fa un homenache a La Ronda de Boltaña, que tien una canción de que diz «Au d'astí puñetas». Curiosament, i heba habiu un grupo de musica homonimo en Uesca en os anyos 2000 ya retirau cuan iste amaneixió. Au d'astí. Aki Zaragoza. Carla Isern. 7 de marzo de 2013
En concreto, Manu González y Daniel Castarlenas ideoron o grupo en 2018 con l'obchectivo de fer musica mas punk. Segundariament, les motivó mas a tensión que i heba con o proceso independentista catalán por ixas envueltas adintro d'o panorama politico espanyol, encara que no estió un feito determinant.
En 2022, financioron parcialment a grabación y publicación en mayo d'o suyo primer disco, Rock Trabucaire, a traviés de micromecenache en a plataforma Verkami. Primer Disco de Au d'astí. Verkami. 2022 Se fació en os estudios Sound of Sirens de Pamplona con a supervisión de Julen Urzaiz. Au d'astí estrena canción en el Día de Aragón. AraInfo, 23 d'abril de 2022 I colaboró como corrector Jorge Pueyo, asinas como Kapi d'Azero y Luis Chesus de Fongo como musicos.
Chunto a os rapers Hijos del Lindano, facioron un colectivo dito Ixufrina que funciona com una cooperativa de grupos de musica.
En 2025 o cantaire Manu González anuncia a suya retirada d'os escenarios por problemas d'oyiu, lo que fació que o grupo hese de fer una pausa en os suyos conciertos. Manu de Au d'Astí: "La música siempre ha sido mi vida y pensaba que eso era lo que nunca me faltaría". Alejandro Plana, AraInfo, 26 d'abril de 2025. En chinero de 2026 s'anuncia a plegada d'Oriol "Uri" Montoliu como nuevo vocalista d'o grupo y a suya tornada a os escenarios pa presentar Prou, o suyo segundo disco. Au d’astí! regresa a los escenarios con Oriol Montoliu como vocalista. Carmen Borobio. SER Aragón Oriental, 20 de chinero de 2026.
Discografía Rock Trabucaire, 2022. Prou, 2025.
Singles "Replantado", 15 de febrero de 2025. "Ixes llugars", 22 de febrero de 2025.
Referencias
Vinclos externos
En Facebook En Instagram
*