O castiello de Santa Croch ye un castiello que se troba en o despoblau de Santa Croch (municipio d'Albarracín, Sierra d'Albarracín, Aragón).
Historia Ye l'unico castiello d'iniciativa sinyorial existent en o sud-ueste d'Aragón por a circumstancia especial d'a sinyoría d'Albarracín como estau independient cristiano dimpués d'a cayida d'o reino de taifa d'Albarracín.
Construyiu por os Heredia d'Albarracín pa controlar l'acueducto romano d'Albarracín, en un contexto de barallas entre propietarios locals en a sierra d'Albarracín en o sieglo XIV, que explica a fortificación de muitos lugars y pardinas. En primerías d'a segunda metat d'o sieglo XV (1469) sufrió l'asechamiento d'a Deputación d'o Reino, y en primerías d'o sieglo XVI (1518) perteneixeba a Pedro Torrero.Guitart Aparicio, 1987, p. 66.Guitart Aparicio, 1992, p. 70.
Descripción Se tracta d'un castiello roquero medieval casi destruyiu. Se devanta sobre un tozal, dominando una gran extensión de terreno d'a val d'o río Guadalaviar.
A planta d'a construcción ye irregular seguindo a cota d'o terreno y destaca a forma de quilla de barco. Sobresale tamién un muro almenau uniu a un torretón rectangular con vuelta de meyo canyón a l'interior y una puerta adintelada protechida por torretón celindrico, "precediendo-la una barrera tendida entre as rocas".
Dica a decada de 1960 se manteneba intacto, pero dende que se sacó a fusta d'os suyos suelos prencipió a suya destrucción.
Referencias
Categoría:Biens d'Intrés Cultural d'a Sierra d'Albarracín Santa Croch Santa Croch Categoría:Molimentos d'Albarracín